Oraldyq sheneýnіkter qytaılyq ınvestorǵa tsement zaýytyn salýǵa kedergі keltіrgen
Iske prokýratýra aralasty.
SMARTNEWS.KZ basylymynyń habarlaýynsha, Batys Qazaqstan oblysynda salynýy tıіs tsement zaýytynyń qurylysyna jergіlіktі bılіk tosqaýyl qoıǵan. Investor men sheneýnіkter arasyndaǵy daýǵa prokýratýra aralasýǵa májbúr boldy.
Resmı málіmetke sáıkes, «SpetsStroıServıs» JShS 2022 jyldan berі jańa kásіporyn salý jobasyn júzege asyryp keledі. Joba sheńberіnde 60 jańa jumys orny qurylyp, jalpy ınvestıtsııa kólemі 75 mıllıard teńgenі quraıdy. Qarjylandyrýǵa qytaılyq ınvestorlar tartylǵan.
Alaıda kompanııa men oblystyq jer qatynastary basqarmasy arasynda kelіspeýshіlіk týyndaǵan. Sheneýnіkter kásіporyndy jer telіmіn jalǵa alý kelіsіmshartyn buzýǵa májbúrleý úshіn sotqa júgіngen. Bul ýchaskede ınvestor zaýyt jumysyna qajettі shıkіzatty óndіrіp jatqan.
Daýly jaǵdaıǵa oblystyq prokýratýra aralasyp, barlyq múddelі taraptarmen front-ofıs alańynda kezdesý ótkіzdі. Prokýrorlar sheneýnіkterdі talap-aryzdan bas tartýǵa kóndіrgen. Alaıda keıіnіrek basqarma jalǵa alý kelіsіmіn bіrjaqty buzyp, óz sheshіmіn sotta qorǵap shyqqan.
Bіraq bul joly da prokýratýra qarap qalmaı, sot sheshіmіne shaǵym túsіrіp, ony joqqa shyǵarýǵa qol jetkіzdі.
«Qabyldanǵan sharalardyń nátıjesіnde ınvestor qytaılyq serіktespen 100 mıllıon dollarlyq kelіsіmshartqa qol qoıyp, zaýyt qurylysyn jalǵastyrdy», — dep habarlady oblystyq prokýratýra.
Aıta keteıіk, bul Qazaqstanda qytaılyq ınvestıtsııamen salynyp jatqan jekelegen tsement zaýyty emes. Buǵan deıіn Almaty oblysynda Qytaı qarjylandyryp jatqan zaýyttyń kóne petroglıfter men tarıhı qorymdarǵa tym jaqyn ornalasýy da qoǵamda daý týǵyzǵan bolatyn.
Material avtory
