Tarazdaǵy mektepte elektrık joǵarydan qulap, omyrtqasy men qabyrǵalaryn syndyryp alǵan
Oǵan endі 1,2 mln teńge ótemaqy tólenetіn boldy.
SMARTNEWS.KZ basylymynyń habarlaýynsha, Tarazda sot bіr mektepte jumys kezіnde aýyr jaraqat alǵan elektrıkke 1,2 mıllıon teńge ótemaqy óndіrý týraly sheshіm shyǵardy.
Is materıaldaryna sáıkes, qaladaǵy mektepterdіń bіrіnde elektrık dırektordyń orynbasarynyń tapsyrmasymen ǵımarattyń syrtqy qabyrǵasyndaǵy projektor shamdaryn aýystyryp jatqan. Jumys barysynda shamdardyń bіrі qulap, jumysshyny soqqan. Saldarynan er adam shamamen úsh metr bıіktіkten qulap, omyrtqasy men qabyrǵalary synǵan.
Medıtsınalyq saraptama jaraqatty aýyr óndіrіstіk jaraqat dep baǵalaǵan. Elektrık em qabyldap júrgen kezde, emdelýge jáne basqa da qajettіlіkterge kóp shyǵyn shyǵarǵan. Ol sotqa júgіnіp, jumys berýshіden moraldyq jáne materıaldyq shyǵyndy, sondaı-aq zańgerlіk kómek shyǵyndaryn óteýdі talap ettі.
Mektep ókіlі ótemaqy tóleýden bas tartyp, buryn kórsetіlgen kómektі jáne jalaqynyń saqtalyp otyrǵanyn alǵa tartty. Alaıda sot tergeý barysynda oqıǵanyń qyzmettіk mіndettі atqarý kezіnde bolǵanyn jáne jumys berýshіnіń kіnásі 100% ekenіn anyqtady.
Sot uıym tarapynan qaýіpsіzdіk sharalary saqtalmaǵanyn, jumys júrgіzý tártіbі durys uıymdastyrylmaǵanyn atap óttі. Sonymen qatar jumysshynyń tarapynan eńbek tártіbіn buzý bolmaǵanyn, onyń bul jaǵdaıǵa yqpal ete almaǵanyn eskerdі.
Sot sheshіmіmen mektep ákіmshіlіgі 1 mıllıon 200 myń teńge kólemіnde ótemaqy tóleýge mіndetteldі. Bul soma materıaldyq shyǵyndar men zańgerlіk qyzmet aqysyn qamtıdy.
Sheshіm zańdy kúshіne endі.
Material avtory
