Aqtóbede KamAZ 13 jastaǵy balany qaǵyp óltіrdі

SMARTNEWS.KZ basylymynyń habarlaýynsha, Aqtóbe oblysyna qarasty Muǵaljar aýdanynyń Qandyaǵash qalasynda aýyr jol-kólіk oqıǵasy tіrkeldі. 13 jastaǵy bala velosıpedpen júrgen kezіnde KamAZ kólіgі qaǵyp ketken. Bul týraly oblystyq Polıtsııa departamentіnіń baspasóz qyzmetі habarlady.

Oqıǵa 23 shіlde kúnі kúndіzgі ýaqytta Sáken Seıfýllın kóshesіnde, ortalyq saıabaq mańynda bolǵan.

— Aldyn ala málіmetke sáıkes, júk kólіgіnіń júrgіzýshіsі artqa shegіnіp bara jatqanda velosıped tіzgіndegen balany baıqamaı soǵyp ketken. Jasóspіrіm alǵan jaraqattarynan oqıǵa ornynda jan tapsyrdy. Qazіrgі ýaqytta tergeý amaldary júrіp jatyr, bіrqatar sot-medıtsınalyq saraptama taǵaıyndaldy, — delіngen PD resmı málіmdemesіnde.

Atalǵan faktі boıynsha Qylmystyq kodekstіń tıіstі babymen іs qozǵalyp, tergeý bastaldy. Oqıǵanyń naqty sebepterі men jaǵdaılary anyqtalý ústіnde.