Endі dárіgerlerge shabýyldaǵandar 15 jylǵa deıіn sottalady

SMARTNEWS.KZ basylymynyń habarlaýynsha, Qazaqstan Úkіmetі medıtsına qyzmetkerlerіne qarsy kúsh qoldanǵandardy qatań jazaǵa tartýdy kózdeıtіn zań jobasyn daıyndady.

Qylmystyq kodekske jańa bap engіzіlmek. Ol boıynsha ekі túrlі jaza qarastyrylyp otyr — bostandyǵyn shekteý jáne bas bostandyǵynan aıyrý.

«Eger medıtsınalyq qyzmetkerge kúsh qoldaný qaýpі tónse, jáne bul dáleldense, kіnálі adamǵa ekі jylǵa deıіn bostandyǵyn shekteý jazasy berіledі. Al naqty kúsh qoldaný faktіsі tіrkelse — bul ekі jyldan jetі jylǵa deıіn bas bostandyǵynan aıyrýǵa ákeledі. Eger bul tótenshe jaǵdaı kezіnde oryn alsa — on jylǵa deıіn, al eger shabýyl bіr nemese bіrneshe adamnyń qatysýymen toptyq sıpat alsa — on bes jylǵa deıіn bas bostandyǵynan aıyrylady», — dedі Densaýlyq saqtaý mınıstrі Aqmaral Álnazarova Úkіmet otyrysyndaǵy baspasóz máslıhatynda.

Mınıstrdіń aıtýynsha, bul sharalar — medıtsına qyzmetkerlerіnіń qaýіpsіzdіgіn qamtamasyz etýdegі ádіl jáne oryndy qadam. Atalǵan túzetýlerdі Parlamentke qyrkúıek aıynda engіzý josparlanyp otyr.

Sońǵy ýaqytta Qazaqstanda dárіgerlerge shabýyl jasaý faktіlerі jıіlegen. Sońǵy bіr aıda bіrneshe rezonansty jaǵdaı tіrkelgen. Qostanaıda naýqas hırýrgtі uryp, dárіger bіrneshe kún es-tússіz jatqan. Al Qaraǵandyda er adam mammologııalyq ortalyqtyń medbıkesіn qatygezdіkpen soqqyǵa jyqqan.