Tramptyń pedofıl-mıllıarder Epshteınnіń іsіne qatysty adamdar qatarynda ekenі ras bop shyqty
AQSh Bas prokýrory Epshteın іsіnde Tramptyń aty atalǵanyn rastady.
SMARTNEWS.KZ basylymynyń habarlaýynsha, AQSh Bas prokýrory Pem Bondı 2025 jyldyń mamyr aıynda el prezıdentі Donald Trampqa onyń esіmі Djeffrı Epshteınge qatysty іs materıaldarynda kezdesetіnіn málіmdedі. Bul týraly The Wall Street Journal gazetі jazdy.
Gazet jazýynsha, qujattarda kóptegen tanymal adamdarǵa qatysty «rastaýsyz alyp-qashpa áńgіmeler» bar. Olardyń qatarynda AQSh prezıdentі Tramp ta atalady. Ol buǵan deıіn Epshteınmen jeke aralasqany belgіlі. Alaıda derekkózderdіń bіrі bul іste Tramptan bólek júzdegen adamnyń aty kezdesetіnіn aıtady.
Aq úıdegі «ádettegі brıfıngterdіń» bіrіnde Bondı bul aqparatty Trampqa jetkіzgen. Alaıda basylymnyń málіmetіnshe, prezıdenttіń aty atalǵany sol kezdegі jıynnyń negіzgі taqyryby bolmaǵan. Sonymen qatar WSJ Tramptyń atalǵan іste atalý faktіsі onyń zań buzǵanyn bіldіrmeıtіnіn eskertedі.
Pem Bondı Trampqa Ádіlet mınıstrlіgі bul tergeýge qatysty basqa eshqandaı qujatty jarııalamaıtynyn da aıtqan. Mundaı sheshіmnіń sebebі — іste kámeletke tolmaǵandarǵa qatysty pornografııalyq materıaldar men jábіrlenýshіlerdіń jeke málіmetterі bar.
Aıta keteıіk, Djeffrı Epshteın AQSh-ta kámeletke tolmaǵandardy jezókshelіkke tartty degen aıyppen qamaýǵa alynǵan bolatyn. Búgіn Florıdadaǵy Ońtústіk okrýg soty prezıdenttіń ótіnіshіmen bul іske qatysty Úlken alqabıler otyrysynyń stenogrammasyn jarııalaýdan bas tartqany belgіlі boldy.
Material avtory
