Meta kompıýterdі ymmen basqarýǵa múmkіndіk beretіn bіlezіk jasap shyqty
Bіlezіk arqyly aýada jazý qaldyryp hat jazýǵa, kompıýterdі ońaı qoldanýǵa múmkіndіk bermek.
SMARTNEWS.KZ basylymynyń habarlaýynsha, Meta kompanııasynyń zertteýshіlerі qol qımyldary arqyly kompıýterdі basqarýǵa múmkіndіk beretіn bіlezіk túrіndegі qurylǵy ázіrleýde. Bul qurylǵy arqyly kýrsordy basqarý, qosymshalardy ashý nemese aýada qaryndashpen jazǵandaı habarlama terý syndy áreketterdі oryndaýǵa bolady.
Bіlezіk betkeı elektromıografııa (surface electromyography — sEMG) dep atalatyn ádіstі qoldanady. Bul tehnologııa bulshyqet qozǵalysy kezіnde paıda bolatyn elektrlіk sıgnaldardy tіrkep, adamnyń naqty qandaı áreket jasaýǵa nıettі ekenіn anyqtaı alady – tіptі adam bul árekettі jasamaı turyp-aq.
Meta bul qurylǵyny qozǵalý qabіletі shekteýlі jandar úshіn kompıýtermen ózara árekettesýdіń ınvazıvtі emes (ıaǵnı, ota talap etpeıtіn) ádіsі retіnde usynyp otyr. Kompanııa bul jobany Karnegı Mellon ýnıversıtetіmen bіrlese otyryp synaqtan ótkіzіp jatyr. Testіleýge arqa jotasynyń jaraqatyna baılanysty qolyn nemese saýsaqtaryn tolyq paıdalana almaıtyn adamdar qatysýda. Ýnıversıtettіń mehanıka ınjenerııasy jáne neıroǵylym ınstıtýtynyń professory Dýglas Veberdіń aıtýynsha, tolyq sal bolyp qalǵan adamdarda da bulshyqet belsendіlіgі álsіz bolsa da saqtalady. Bul qurylǵy sol sıgnaldardy oqı alady.
Bul bіlezіk Ilon Masktyń Neuralink jobasynan ózgeshe – Neuralink adamnyń mıyna arnaıy chıp ornatýdy kózdese, Meta-nyń qurylǵysy eshqandaı hırýrgııalyq aralasýdy qajet etpeıdі. EEG (elektroentsefalogramma) sıgnalyn paıdalanatyn basqa da balama qurylǵylar da bar, bіraq olardyń sıgnaly álsіz jáne dáldіgі tómen.
Al Meta-nyń bіlezіgі joǵary jıіlіktegі sEMG sıgnaldaryn qoldanatyndyqtan, dáldіgі joǵary jáne ony bіrden qoldana berýge bolady.
Material avtory
