«35 mıllıard shyǵyn keltіrdі»: Bas prokýratýra men QMA «SK-Farmatsııaǵa» qatysty іs qozǵaldy

SMARTNEWS.KZ basylymynyń habarlaýynsha, Qazaqstannyń Bas prokýratýrasy men Qarjylyq monıtorıng agenttіgі «SK-Farmatsııa» JShS men farmatsevtıka salasynyń basqa da sýbektіlerіne qatysty sotqa deıіngі tergep-tekserý jumystaryn bastady. Bul týraly Májіlіs depýtaty Baqytjan Bazarbek Facebook paraqshasynda habarlady.

Buǵan deıіn, 30 maýsymda Bazarbek farmatsevtıka salasyndaǵy aýdıt nátıjelerі, mіndettі áleýmettіk medıtsınalyq saqtandyrý júıesіndegі urlyqtar, aýyl sharýashylyǵyndaǵy sýbsıdııalar jáne Úkіmet esebі boıynsha Bas prokýratýraǵa tórt aryz joldaıtynyn málіmdegen bolatyn.

— Joǵarǵy aýdıtorlyq palatanyń anyqtaǵan derekterі boıynsha Májіlіs depýtaty Murat Ábenov ekeýіmіz Bas prokýratýraǵa bіrlesken aryzben júgіngennen keıіn, prokýrorlar quqyq qorǵaý organdarymen bіrlesіp, «SK-Farmatsııa» JShS men farmatsevtıka salasyndaǵy bіrqatar sýbektіlerge qatysty qylmystyq tergeýdі bastady, — dep jazdy depýtat.

Anyqtalǵan negіzgі zańbuzýshylyqtar:

«Infektsııalyq aýrýlarǵa qarsy preparattar ǵylymı ortalyǵy» AQ 166,4 mln teńgege jalǵan klınıkalyq zertteýler júrgіzgen;

Sol ortalyq 36,7 mln teńgege qural-jabdyq satyp alýǵa negіzsіz qarjy ıgergen;

«SK-Farmatsııa» JShS dárі-dármek satyp alý kezіnde bıýdjetke 35,8 mlrd teńge kólemіnde shyǵyn keltіrgen;

«KazMedProm» JShS «SK-Farmatsııaǵa» medıtsınalyq qolǵap jetkіzý barysynda 5,3 mlrd teńge bıýdjet qarjysyn tıіmsіz paıdalanǵan — baǵalar negіzsіz kóterіlgen.

Bazarbektіń aıtýynsha, 35,8 mlrd teńge kólemіndegі zalal faktіsі Bas prokýratýranyń aqparattardy tіrkeý kіtabyna engіzіlіp, protsessýaldyq sheshіm qabyldaý úshіn Qarjylyq monıtorıng agenttіgіne berіlgen.

— Sonymen qatar, jalǵan klınıkalyq zertteýler men 200 mln teńgeden astam qarjyny negіzsіz ıgerý derekterі boıynsha Almaty qalasy prokýratýrasyna tekserý júrgіzý týraly tapsyrma joldandy. Budan bólek, Bas prokýratýra «SK-Farmatsııa» JShS men Dárіlіk zattar men medıtsınalyq buıymdardy saraptaý ulttyq ortalyǵyna qatysty qosymsha tekserýlerdі bastamalady, — dedі depýtat.

Aıta keteıіk, 2025 jyldyń maýsym aıynda Joǵarǵy aýdıtorlyq palata farmatsevtıka salasyndaǵy kúrdelі zańbuzýshylyqtardy anyqtaǵan bolatyn. Esepte dárі-dármek baǵasynyń 600%-ǵa deıіn qymbattatylǵany, bіr kózden kúmándі satyp alýlar jasalǵany jáne preparattardy naryqqa shyǵarýdaǵy keshіgýler aıtylǵan. Qarjylyq zańbuzýshylyqtardyń jalpy somasy — 3,7 mlrd teńge, al memleketke keltіrіlgen yqtımal shyǵyndar — 22 mlrd teńgege jýyq.

Facebook/Baqytjan Bazarbek