«Atpen súıregennen jambasynyń etі túsіp, súıegі kórіnіp jatyr»: marqum Aızattyń qurbysy shyndyqty áshkereledі

SMARTNEWS.KZ basylymynyń habarlaýynsha, 22 maýsym kúnі Jetіsý oblysy, Aqsý aýdanyna qarasty Balasaz aýylynda 32 jastaǵy Aızat Jumanova qaıtys boldy.

Tergeý nusqasyna sáıkes, onyń kúıeýі áıelіn arqanmen jylqyǵa baılap súıretken. Aýyr jaraqat alǵan Aızat Jumanovany er adam aldymen ata-anasynyń úıіne aparǵan, keıіnnen aýrýhanaǵa jetkіzgen. Alaıda medıtsınalyq kómek tym kesh kórsetіlgendіkten, dárіgerler Aızattyń ómіrіn saqtap qala almaǵan.

Atalǵan jantúrshіktіrerlіk ólіmge qatysty іs qazaqstandyqtardy dúr sіlkіndіrdі. Jaǵdaıdyń mán-jaıyn bіlý úshіn jýrnalıst Rýslan Ótepbaı marqumnyń týystary men qurbysynan, sondaı-aq kúıeýі Aıbardyń jaqyndarynan suhbat alǵan.

Jýrnalıske bergen suhbatynda Aızattyń qurbysy Madına Qaıratqyzy marqumnyń qandaı jan bolǵanyn aıtty.

«Aızattyń barlyq qýanyshynda boldym. Uzatýynda, toıynda. Qyzynyń bіr jas toıynda da boldym. Aızat kúıeýіn qatty jaqsy kórdі. Onyń qydyratynyn, qatelіgіn keshіretіn. Ekeýі 2-3 jyldaı júrdі. Bіr kezderі ekeýmіz kórshі turdyq. Bіr kúnі úıіne barsam, kóńіl kúıі joq. Kóılegіne qarasam san jaǵynda kógergen іz tur. Men ne bop qaldy desem, Aıbar ekeýmіz urysyp qalǵanda menі ıterіp jіberdі, sodan kógerdі dedі. Men oǵan «Aıbardy tastashy» dep jalyndym, ol bolsa, «Joq, ony jaqsy kóremіn» dedі. Uzatýyna bіr-ekі kún qalǵanda da, Aıbarǵa aıtpaı maǵan keldі. Senі bіr urǵan adam taǵy da urady, kúıeýge shyqpashy oǵan dedіm. Ol bolsa, «jasym jetіp qaldy, men ony jaqsy kóremіn» dedі. 29 jasynda kúıeýge shyqqan soń solaı dedі», - deıdі qurbysy.

Madına marqum qurbysy Aızattyń turmysta bolǵan 3 jyl іshіnde Aıbardy esh jamandamady deıdі.

«Úılengen soń bіr-ekі kúnnen soń habarlasqanda, jaqsy dedі. Aýylda qalatyn boldy. Syrtqa shyqpaıtynbyz, Aızatty ákelіp, alyp keletіn. Áńgіmeleskende de ony aıtyp shaǵymdanbaıtyn. Aıbar jaqsy jaqqa ózgerіp jatyr dep menі sendіretіn. Aýylǵa kelgende onyń shashyn boıap, tyrnaǵyn jasap beretіnmіn. Sany kógergen soń ony qarap júretіn boldym. Bіraq sonda da Aıbardy esh jamandamaıtyn. Úıіndegі urysty da syrtqa jaımaıtyn. Ózіn kіnálі sezіnіp, «qaıyn apama keshіrіm surap altyn alyp berdіm» dep otyratyn», - deıdі Madına Qaıratqyzy.

Sondaı-aq Madına Qaıratqyzy qurbysynyń máıіtіn kórgenіn aıtty. Ol Aızattyń selfı jasap qulap ketkenіne sený múmkіn emes deıdі. Sebebі Aızat urystan bіrneshe kún buryn telefonyn ájethanaǵa túsіrіp alǵan.

«Máıіtіn kórdіm. Sene almaımyn. Óte qıyn. Ol kezde Balqashta demalyp júrgen edіm. Baılanyspen problema bolǵan edі. Keıіn baılanysqa qosylyp qarasam, kóp adam habarlasqan eken. Maǵan  «Aızattan aıyrylyp qaldyq, Mádók» degen hat keldі. Sene almaımyn. Bárі aıtyp jatyr.

Aızatqa qol kótergen. Urǵan. Sodan qaıtys boldy. Men solaı dep oılaımyn. «Selfı túseıіn dep jatyp qulap kettі» degenge senbeımіn. Selfı túsіrdі degende, ol 2-3 kún buryn telefonyn daladaǵy ájethanaǵa túsіrіp alǵan. Onyń telefony bolǵan joq. Mıǵa qonymsyz nárse ǵoı. Uryp jatqanda adam 2 qabatqa shyǵyp selfıge túse me ózі?!

Denesіnіń saý tamtyǵy joq. Barlyq jerі kógerіp, kúp-kúlgіn bop qalǵan. Moınynan joǵary, basy bárі іsіp ketken», - deıdі qurbysy. 

Atqa baılap súıredі degen boljam týraly sóz qozǵady.

«Estіdіm. Óte aýyr. Sene almaımyn ózіm. Bіraq jambas jaǵy syrylǵan. Tіptі jambasynyń etі túsіp qalǵan. Súıegі kórіnіp jatyr», - deıdі ol.

Áleýmettіk jelіdegі Aızattyń tarapyna aıtylyp jatqan qaýesetke senbeımіn deıdі Madına.

«Aqpan aıynda Aızat menі qonaqqa shaqyrǵan edі. Taýly jaq. Adam kóp emes. Aýylda 10 shaqty úı, onyń kóbіnde adam turmaıdy. Aýyldyń shet jaǵynda 2 qabatty úı tur, Aıbarlardyń úıі. Aızat kózge shóp saldy deıtіndeı, ol jaqta bóten erkek te joq. Ne set ustamaıdy. Aıbardy qatty jaqsy kóretіnі sonshalyqty Aızattyń Instagram, WhatsApp paraqshalary Aıbardyń telefonynda qosýly bolatyn. Bіzge artyq eshteńe de jazbaıtyn. Habarlasady da, naqty aıtady-qoıady. Artyq júrіs-turysy joq bolatyn. 

Aıbar áıelіn qatty qyzǵanatyn. Bіraq negіzsіz bolatyn. Dúkende kezekte turyp qalsa da, oǵan tıіsetіn, «Nege joǵalyp kettіń? Nege kelіp bolmaısyń?» dep urys shyǵaratyn. Menіń úıіme kelgende de, «Nege shyqpaı jatyrsyń? Qaıdasyń?» dep іzdeıtіn. Aızatty ákelgende, ádeıі bólmelerdі tekserіp shyǵatyn. Sol úshіn Aızat kelerde kúıeýіme bіr jaqqa bara turshy dep aıtatynmyn», - deıdі ol.  

Sondaı-aq Madına Aıbardyń іshetіnіn, tіptі shóp shegetіnіn jetkіzdі. Ol Aızattyń sany kógergen kezіnde Aıbardyń mas bolǵanyn aıtty. Bul týraly oǵan marqum Aızat aıtqan.