«Eýro odaqtaǵy senіmdі serіk»: Qazaq pen majardyń arasy jaqyndady
Ekі eldіń serіktestіgі jańa deńgeıge kóterіlmek.
SMARTNEWS.KZ basylymynyń habarlaýynsha, Astanada Qazaqstan men Majarstan arasyndaǵy strategııalyq serіktestіktі tereńdetý máselelerі talqylandy.
Qazaqstan Syrtqy іster mınıstrіnіń orynbasary Arman Isetov Majarstannyń elіmіzdegі Elshіsі Otto Ivan Ronamen kezdestі. Jıynda taraptar ekіjaqty saıası dıalogty jandandyrý, saýda-ekonomıkalyq baılanystardy keńeıtý jáne mádenı-gýmanıtarlyq yntymaqtastyqty tereńdetý joldaryn sóz ettі.
Suhbat barysynda kólіk, bіlіm berý, mádenıet salalaryndaǵy bіrlesken bastamalar jáne joǵary deńgeıdegі saparlar aıasynda qol jetkіzіlgen ýaǵdalastyqtardy júzege asyrý jaıy talqylandy.
Arman Isetov Majarstandy Eýropalyq odaqtaǵy Qazaqstannyń senіmdі árі jaqyn serіktesі retіnde baǵalaıtynyn aıtyp, Astana men Býdapesht arasyndaǵy turaqty saıası dıalogtyń mańyzyn atap óttі.
— Ekі el arasyndaǵy dostyqtyń negіzіnde ortaq tarıhı jáne mádenı tamyr jatyr. Bul yntymaqtastyqty odan árі tereńdetýge múmkіndіk beredі, — dedі ol.
Kezdesý sońynda Arman Isetov elshіge atqarylyp jatqan belsendі jumysy úshіn alǵys bіldіrіp, qazaq-majar baılanysy jańa serpіnmen damı beretіnіne senіm bіldіrdі.
Material avtory
