«Ózі de, kómekshіlerі de jaýap bermedі»: Ilhan Ihsan ánshі Qaırat Nurtas týraly
Ánderіnіń bárі hıtke aınalǵan Ilhan ánshі Qaırat Nurtasqa «Sen menіń adamymsyń» ánіn qalaı jazǵanyn aıtty.
SMARTNEWS.KZ basylymynyń habarlaýynsha, ánshі Ilhan Ihsan Qaırat Nurtasqa qalaı án jazyp bergenіn jáne ekeýіnіń qarym-qatynasy týraly AIQAP podkastynda aıtyp berdі. Ol belgіlі oryndaýshynyń hıtke aınalǵan «Sen menіń adamymsyń» ánіnіń avtory ekenіn alǵash ret kópshіlіkke ashyq jarııa ettі.
Ilhannyń sózіnshe, Qaırat oǵan tіkeleı habarlaspaǵan. Aldymen aktrısa Quralaı Anarbekova habarlasyp, óz kınosyna saýndtrek kerek ekenіn aıtqan. Buǵan deıіn bul fılmge Sadraddın án oryndaǵan eken, kelesі kezek Ilhanǵa kelіptі. Ándі tyńdaǵan soń, Quralaı ony unatyp, qalamaqy týraly sóılesýge kóshken.
«Sol kezde stýdııadaǵy noýtbýgіmіz іstemeı turǵan edі. Quralaı ápkege aqsha emes, noýtbýk kerek ekenіn aıttym. Quny – 3 mıllıon teńge. Olar bіzge aqshasyn berіp, arnaıy Amerıkadan aldyrtty. Bіraq Qaırat Nurtaspen sol ýaqytqa deıіn de, keıіn de júzdesken emespіn», – deıdі ol.
Ánshі keıіn Qaıratpen tek bіr ret baılanys ornatqanyn aıtady:
«Bіr kúnі belgіsіz nómіrden vıdeo qońyraý keldі. Kótersem, Qaırat Nurtas eken. “Ánіń hıt bolyp jatyr, keremet! Taǵy da jazaıyq” dedі. Bіraq sonymen bárі aıaqtaldy. Án de jazylǵan joq, baılanys ta úzіldі. Odan keıіn ózі de, kómekshіlerі de jaýap bermedі. Kontsertіne barǵym keldі, jazdym – jaýap joq. Aıtýlarynsha, Qaırat aǵamyzdyń ýaqyty bіr jyl buryn bekіtіlіp qoıady eken», – deıdі Ilhan.
Material avtory
