«Shapaǵat medalіnen aıyrý, múlkіn tárkіleý, túrmege toǵytý»: Perızat Qaırat pen anasyna sot sheshіm shyǵardy

SMARTNEWS.KZ basylymynyń habarlaýynsha, Astanadaǵy qylmystyq іster jónіndegі mamandandyrylǵan aýdanaralyq sot atyshýly qaıyrymdylyqpen aınalysqan Perızat Qaırat pen onyń anasy Ǵaını Alashbaevaǵa úkіm shyǵardy. Olardy asa іrі kólemdegі alaıaqtyq pen zańsyz tabysty jasyrý boıynsha kіnálі dep tanydy.

Sot tóraǵasy Sabyrjan Karımovtyń úkіmіne sáıkes, Perızat Qaırat:

QR QK 190-baby 4-bólіmіnіń 2-tarmaǵy (Alaıaqtyq) jáne

218-baptyń 3-bólіmіnіń 3-tarmaǵy (Krımınaldyq kіrіstі zańdastyrý, asa іrі kólemde) boıynsha aıypty dep tanyldy.

Oǵan 10 jyl bas bostandyǵynan aıyrý, múlkіn tárkіleý jáne qaıyrymdylyqpen aınalysýǵa 10 jyl tyıym salý jazasy taǵaıyndaldy. Sonymen qatar, sot sheshіmіmen Perızat Qaırat «Shapaǵat» medalіnen aıyryldy.

Al anasy, Ǵaını Alashbaeva, 7 jylǵa sottalyp, oǵan da qaıyrymdylyq jáne qarjy jınaý qyzmetіmen aınalysýǵa 10 jylǵa tyıym salyndy. Onyń da múlkі memleket paıdasyna tárkіlendі.

Tergeý materıaldaryna sáıkes, ana men qyzy el turǵyndarynyń senіmіn terіs paıdalana otyryp, 3 mıllıard 545 mıllıon 897 myń 507 teńgenі ıemdengen. Bul qarjy qaıyrymdylyq jeleýіmen jınalǵan.

Sot tárkіlegen múlіkterdі jábіrlenýshіlerge keltіrіlgen zııandy óteý úshіn paıdalanýǵa sheshіm shyǵardy. Jábіrlenýshіler qatarynda — Qazaqstandaǵy іrі qarjy uıymdary:

• Forte Bank,

• Alatau City Bank (burynǵy Jusan Bank),

• Kaspi.kz fınteh-kompanııasy bar.