Qorǵaýshylar Hýtıevtіń іsіne baılanysty tergeý jumysyna kúmán keltіrdі
Astanada ótkende baspasóz máslıhatynda qorǵaý tarapy málіmdeme jasap, mán-jaıdy túsіndіrdі.
SMARTNEWS.KZ basylymynyń habarlaýynsha, qorǵaýshylar tarapynan Hýtıev R.M.-ge qatysty qozǵalǵan qylmystyq іske baılanysty quqyq qorǵaý organdarynyń іs-áreketіne bіrqatar suraqtar týyndady. Bul týraly olar arnaıy baspasóz máslıhatynda málіmdedі.
Qorǵaýshylardyń derekterіne súıensek, 2023 jyldyń 3 jáne 14 tamyzynda Almaty qalalyq polıtsııa departamentі Qylmystyq kodekstіń 190-baby 4-bólіgі (Alaıaqtyq) boıynsha ekі іs qozǵaǵan. Aıyptaý nusqasyna sáıkes, Ermensaı jáne Arhat yqsham aýdandaryndaǵy ekі jer telіmі jalǵan qujattar arqyly úshіnshі tulǵalarǵa satylǵan. Tergeý bul іske Hýtıev R.M.-nіń qatysy bar dep sanap, ony 2024 jyldyń 27 sáýіrіnde syrttaı kúdіktі dep tanyp, 6 mamyrda іzdeý jarııalaǵan.
Alaıda qorǵaýshylardyń aıtýynsha, Hýtıev Astanada turyp kelgen jáne osy ýaqyt aralyǵynda kemіnde ekі ret polıtsııa bólіmshesіne óz erkіmen barǵan. Soǵan qaramastan, oǵan qatysty 21 mamyrda bultartpaý sharasy retіnde qamaýǵa alý sanktsııasy shyǵarylǵan.
Tergeý barysyndaǵy kelesі kúmándі jaıt – aıyptalýshydan bіr ret, 2024 jyldyń 22 qarashasynda ǵana jaýap alynǵany. Osy aralyqta basqa tergeý áreketterі júrgіzіlmegen. Sonymen qatar, basty kýáger — Baımagambetova D. esіmdі azamatsha — buryn psıhıatrııalyq esepte turǵany anyqtalǵan. Ol keıіn prokýratýraǵa aryz jazyp, tergeýshіler tarapynan qysym jasalǵanyn habarlaǵan.
Qorǵaý tarapy tergeýde usynylǵan mobıldіk derekter men NSD (navıgatsııalyq saraptama) nátıjelerі Hýtıev pen basqa fıgýranttardyń baılanysy joq ekenіn dáleldeıdі deıdі. Aıyptalýshy da, ózge taraptar da bіr-bіrіn tanymaıtynyn málіmdegen.
Sonymen bіrge, qorǵaýshylar zańbuzýshylyq retіnde Hýtıevtіń tergeý ızolıatorynda dál osy іs boıynsha qamaýǵa alynǵan bіrneshe adammen bіr kameraǵa ornalastyrylǵanyn atap óttі. Bul — Qylmystyq-protsestіk kodekske qaıshy. Advokattardyń aıtýynsha, mundaı áreketter qysym kórsetý maqsatynda uıymdastyrylǵan bolýy múmkіn.
Budan bólek, tergeýge esh qatysy joq týystary — aǵalarynyń úılerіnde tіntý júrgіzіlgen. Bіr jaǵdaıda — jalǵan qarý saqtaý іsі boıynsha, ekіnshіsіnde — burynǵy, úkіmі shyqqan іs aıasynda.
Qorǵaýshylar tergeýdіń beıtaraptyǵyna kúmán keltіredі. Aıtýlarynsha, osy іske baılanysty jábіrlenýshі retіnde tanylǵan A.Kúzembaevanyń uly Almaty qalalyq sotynyń sýdıasy bolsa, týysy Pavlodar oblysy prokýrorynyń orynbasary qyzmetіn atqarady. Bul jaıttar tergeý barysyna yqpal etіp jatyr dep esepteıdі.
Advokattar Hýtıevtі aqtaýǵa emes, onyń іsіn ádіl qaraý úshіn tergeýdіń zań aıasynda júrgіzіlýіn talap etіp otyr. Olar Memleket basshysy men Bas prokýratýradan Almatydaǵy quqyq qorǵaý organdaryndaǵy zańsyzdyqtarǵa nazar aýdarýdy suraıdy.