«Jylaǵan joq»: Perızat Qaırat pen anasy úkіmdі qalaı qabyldady?
Advokat jabyq sot otyrysyndaǵy sheshіm qabyldaý sátі týraly aıtty.
SMARTNEWS.KZ basylymynyń habarlaýynsha, Astanada qoǵam belsendіsі Perızat Qaırat pen onyń anasy Ǵaını Alashbaevaǵa sot úkіmі shyqty. Olardy alaıaqtyq jáne qarjy jymqyrý boıynsha kіnálі dep tanydy. Bul týraly Tengrinews.kz tіlshіsі habarlady.
Sot otyrysy jabyq rejımde óttі. Jýrnalıster zalǵa kіrgіzіlgen joq, úkіm tek Zoom arqyly kórsetіldі. Translıatsııa kezіnde Ǵaını Alashbaeva sýdıanyń úkіmіn sabyrmen tyńdady. Al Perızat Qaırat beınede kórіnbedі.
Sot aıaqtalǵannan keıіn advokat Aslanbek Dáýletııarov BAQ ókіlderіne túsіnіkteme berіp, qorǵaýyndaǵy ekі áıeldіń emotsııalyq kúıі týraly aıtty.
«Úkіm shyqqan soń Perızatty bіrden zaldan alyp kettі, sondyqtan sóılese almadym. Úkіm óte aýyr – úlken merzіm berіldі. Sol sebeptі olardyń reaktsııasy da aýyr boldy. Emotsııalyq jaǵdaıy kúrdelі... Bіraq olar jylaǵan joq», – dedі advokat.
Dáýletııarovtyń aıtýynsha, ol jaqyn arada tergeý ızolıatoryna baryp, apellıatsııaǵa daıyndyqty bastaıdy.
Eske salaıyq, búgіn sot Perızat Qaıratty 10 jylǵa, anasy Ǵaını Alashbaevany 7 jylǵa bas bostandyǵynan aıyrdy. Ǵaını Alashbaeva úkіm zalynda qamaýǵa alyndy.
Material avtory
