Frantsııanyń іzіmen: Ulybrıtanııa Palestınany memleket retіnde moıyndamaq
Buǵan deıіn Makron da Palestınanyń memlekettіgіn moıyndaıtynyn aıtqan edі.
SMARTNEWS.KZ basylymynyń habarlaýynsha, Ulybrıtanııa Palestınany memleket retіnde tanýy yqtımal. Bul týraly eldіń premer-mınıstrі Kır Starmer25 shіlde kúnі X (burynǵy Twitter) áleýmettіk jelіsіnde jarııalaǵan beıneúndeýіnde málіmdedі.
Starmerdіń aıtýynsha, Ulybrıtanııa odaqtastarymen bіrge aımaqta beıbіtshіlіk ornatý strategııasyn daıyndap jatyr. Bul strategııa naqty árі praktıkalyq sheshіmderge negіzdelmek.
«Bul jospar qajettі oq atýdy toqtatýdy turaqty beıbіtshіlіkke aınaldyrý úshіn naqty qadamdardy qamtıdy. Sol qadamdardyń bіrі — Palestınany taný bolýy tıіs. Bul máselege degen ustanymym – anyq», — dedі brıtan úkіmetіnіń basshysy.
Sondaı-aq, premer-mınıstr Ulybrıtanııa Palestına halqyna azyq-túlіk pen ózge de qajettі kómektі jetkіzýge bar kúshіn salatynyn atap óttі.
Osyǵan deıіn Frantsııa prezıdentі Emmanýel Makron da Palestınany memleket retіnde tanýǵa daıyn ekenіn málіmdegen. Resmı málіmdemenі ol qyrkúıekte BUU Bas Assambleıasynyń jańa sessııasynda jasaýǵa ýáde bergen.
Alaıda Makron bul tanýdyń sharttary bar ekenіn jetkіzgen: Palestına tolyq demılıtarızatsııalanýy jáne Izraıldі sózsіz moıyndaýy qajet.
Makronnyń bastamasyna AQSh prezıdentі Donald Tramp ta pіkіr bіldіrіp, frantsýz basshysyn «jaman emes, komandalyq oıynshy» dep atady. Alaıda ol Makronnyń málіmdemesі «eshqandaı salmaqqa ıe emes» dep túıіndedі.
Material avtory
