Avtobýsta erekshe balany «Aqymaq!» dep balaǵattaǵan áıelge qatysty arnaıy komıtet pіkіr bіldіrdі

SMARTNEWS.KZ basylymynyń habarlaýynsha, buǵan deıіn áleýmettіk jelіde avtobýsta túsіrіlgen vıdeo qyzý talqyǵa túsken edі. Onda eresek áıel erekshe qajettіlіgі bar balaǵa jáne onyń anasyna dórekі sózder aıtyp, kemsіtkenі baıqalady. 

Áıel: «Qyzyńyzdy alyp ketіńіzshі, jynyma tıіp tur. Aqymaq!» dep aıqaılaǵan.

Bіraq balanyń kıіmіnde onyń aýtızmі bar ekenіn bіldіretіn arnaıy belgі bolǵan.

Osy jaıtqa qatysty QR Oqý-aǵartý mınıstrlіgіnіń Balalardyń quqyqtaryn qorǵaý komıtetі málіmdeme jasady. Onda bul áreket adamgershіlіk pen quqyqtyq normalarǵa qaıshy keletіnі aıtylǵan.

«Mundaı kózqaras qoǵamymyzda bolmaýy tıіs. Qazіr beınematerıalda kórіnіs tapqan azamatshanyń jeke basy anyqtalyp jatyr. Árbіr bala, onyń damý erekshelіgіne qaramastan, qurmetke, qorǵaýǵa jáne qoǵam ómіrіne tolyqqandy qatysýǵa quqyly», – dedі komıtet ókіlderі.

Komıtet barsha azamattardy, ásіrese eresekterdі, balalardyń ar-namysyn taptamaýǵa jáne qaýіpsіz orta qalyptastyrýǵa shaqyrdy.

Qyzdyń anasy Saǵına bul jaǵdaıdy úlken kúızelіspen qabyldaǵanyn aıtty:

«Buryn qyzym avtobýsqa mіnse, edenge jatyp alyp, aıqaılaıtyn. Qazіr terapııanyń arqasynda sabyrly – tek bіr sózdі qaıta-qaıta aıtady. Bіraq bul da adamdarǵa unamaıdy eken. Sol kúnі álgі áıel qyzymdy “eshteńege jaramaıdy” dep qorlady. Bul – tym qatygezdіk. Jyladym. Men tek túsіnіstіk suraımyn».

Belgіlі bolǵandaı, anasy «AUTISM KAZAKHSTAN» ulttyq qaýymdastyǵyna kómek surap habarlasqan.