Astanada júktі áıel dárіgerdі 2 saǵat kútіp, balasynan aıyrylyp qaldy (VIDEO)

SMARTNEWS.KZ basylymynyń habarlaýynsha, Astanadaǵy №2 kópsalaly oblystyq aýrýhanada júktі áıel ýaqytyly medıtsınalyq kómekke qol jetkіze almaı, sábıіnen aıyryldy.

Kýágerlerdіń aıtýynsha, oqıǵa Manas kóshesі, 22-úıde ornalasqan aýrýhanada bolǵan. Áıel qatty aýyrsynǵan, qandy kóp joǵaltqan. Jaǵdaıy aýyrlap, kómek surap jalynsa da, dárіgerler oǵan tek 1 saǵat 45 mınýttan keıіn ǵana kelgen.

«Ol qansyrap jatty, jylady, kómek surady. Túsіk tastaý qaýpі bar edі. Bіraq dárіgerler nazar aýdarmady. Bul — sumdyq. Áıel tіptі aýrýhananyń ózіnde qaýіpsіzdіkte bola almaı otyr», — dedі palatadaǵy kórshіsі áleýmettіk jelіde.

Aýrýhana ákіmshіlіgі jaǵdaıǵa baılanysty túsіnіkteme berdі.

«Qazіrgі ýaqytta bul oqıǵa boıynsha arnaıy komıssııa qurylyp, qyzmettіk tekserіs júrgіzіlýde. Qorytyndysy boıynsha tıіstі sharalar qabyldanyp, resmı túsіnіkteme berіledі», — delіngen №2 kópsalaly oblystyq aýrýhana taratqan aqparatta.