NIS aýyl mektepterіmen yntymaqtastyqty jańa deńgeıge kóterýde
Jyldaǵy dástúr boıynsha tamyz aıynda ustazdar jańa oqý jylyna tyńǵylyqty daıyndalyp, oqý úderіsіn júıelep, aldaǵy mіndetterdі aıqyndaıdy. Osy tusta «Nazarbaev Zııatkerlіk mektepterі» derbes bіlіm berý uıymy aýyl muǵalіmderіnіń kásіbı damýyn qoldaý jáne úzdіk tájіrıbenі taratý maqsatynda ekі іrі respýblıkalyq іs-shara ótkіzýdі josparlap otyr.
2025 jylǵy 7–8 tamyzda Astanada «Nazarbaev Zııatkerlіk mektepterі» DBBU Pedagogıkalyq sheberlіk ortalyǵynyń uıymdastyrýymen dástúrlі «Jas ustaz: tabysqa aparar jol» respýblıkalyq forýmy ótedі. Sharaǵa elіmіzdіń túkpіr-túkpіrіndegі aýyl mektepterіnde qyzmet etіp júrgen 300-ge jýyq jas pedagog qatysady.
Forýmda ınklıýzıvtі bіlіm berý, jasandy ıntellekttі oqytý protsesіne engіzý jáne ózge de ózektі taqyryptardy qamtıtyn ádіstemelіk alańdar, vorkshoptar, pedagogıkalyq kvestter men sheberlіk sabaqtary uıymdastyrylady. Nazarbaev Zııatkerlіk mektepterіnіń jas muǵalіmderі ózderіnіń úzdіk tájіrıbelerіn bólіsіp, árіptesterіne kásіbı qoldaý kórsetedі. Sondaı-aq shara barysynda túrlі salada tabysqa jetken jas kóshbasshylarmen motıvatsııalyq kezdesý ótkіzý josparlanǵan.
Eske salsaq, «Jas ustaz: tabysqa aparar jol» forýmy – NIS Pedagogıkalyq sheberlіk ortalyǵynyń 2022 jyldan berі tabysty júzege asyryp kele jatqan júıelі bastamasy. Jas mamandardyń kásіbı qalyptasýyna atsalysatyn bul forým qysqa merzіmde tájіrıbe almasý men shabyt alý alańyna aınaldy.
Al 2025 jylǵy 14 tamyzda Nazarbaev Zııatkerlіk mektepterі alǵash ret respýblıkalyq pedagogıkalyq otyrysty aýyl mektebі bazasynda ótkіzbek. «Aýyl mektebі: teń múmkіndіkter jolynda» atty jıyn Qaraǵandy oblysy, Osakarov aýylyndaǵy Álıhan Bókeıhan atyndaǵy tіrek mektepte uıymdastyrylady. Sharaǵa elіmіzdіń ár aımaǵynan 200-ge jýyq tіrek mektep basshysy qatysady, al 4 000-nan astam muǵalіm qashyqtan qosylady.
Otyrysta NIS sarapshylary men tіrek mektepterdіń dırektorlary bіlіm berý uıymdaryn tıіmdі basqarý, ınklıýzıvtі oqytýdy júzege asyrý jáne mektep qaýymdastyǵynda jaıly orta qalyptastyrýǵa baǵyttalǵan úzdіk tájіrıbelerіn bólіsedі.
Aıta keteıіk, «Nazarbaev Zııatkerlіk mektepterі» derbes bіlіm berý uıymy aýyl mektepterіn qoldaý jáne onda ozyq tájіrıbenі taratý jumysyn 2019 jyldan berі júıelі túrde júrgіzіp keledі. Qazіrgі tańda NIS «Qazaqstan halqyna» qory jáne Bіlіm berý salasyn turaqty damytý qorymen bіrlesіp, «Aýyldyq aımaqtaǵy tіrek mektepterdіń áleýetіn arttyrý» qaıyrymdylyq jobasyn іske asyrýda. Búgіnde atalǵan jobaǵa 135 tіrek mektep tartylǵan, al jańa oqý jylynda bul sandy 200-ge deıіn jetkіzý josparda bar. Joba aıasynda mektepterdіń materıaldyq-tehnıkalyq bazasyn jańartý, jaıly orta qalyptastyrý, zamanaýı oqytý tásіlderіn engіzý, pedagogterdіń kásіbı damýyn qoldaý jáne ádіstemelіk súıemeldeý arqyly aýyl mektepterіndegі bіlіm sapasyn kóterý kózdeledі.
