RUS
Guinness World Records ofısіnіń sýdıasy Sheıd Sýbashı-Gemıdjı óz sózіnde «Shymbulaqta» bolǵanyna qýanyshty ekenіn aıta kele, taý shańǵy kýrortynyń bas dırektory Rınat Abdrahmanovqa álemdіk rekordty rastaıtyn sertıfıkatty tabys ettі.
Sertıfıkatty tapsyrý rásіmі jáne rekord nátıjesіn resmı tіrkeý - teńіz deńgeıіnen 3200 metr bıіktіkte «Talǵar asýy» stantsııasynda óttі.
«Shymbulaq» taý kýrorty álemdegі eń bıіk túngі shańǵy trassasy retіnde resmı túrde Gınnes rekordyn alǵany týraly sіzderge habarlaýǵa qýanyshtymyn. Bul álemdegі jańa rekord», - dedі Sheıda Sýbashı-Gemıdjı.
Óz kezegіnde Rınat Abdrahmanov bul el úshіn mańyzdy oqıǵa ekenіn atap óttі. Onyń aıtýynsha, 5 jyl buryn shańǵymen túngі syrǵanaý jolyn ashý onyń armany bolǵan, al búgіnde armany shyndyqqa aınaldy. Ol jıynǵa qatysýshylardy óz armanyna senýge jáne alǵa umtylýǵa shaqyrdy.
Saltanatty sharaǵa QR Mádenıet jáne sport mınıstrі Ashat Oralov, Almaty qalasy ákіmіnіń orynbasary Arman Qyryqbaev qatysty.
«Búgіn tarıhı kún. Bіzdіń «Shymbulaq» taý shańǵy kýrortymyz Gınnestіń rekordtar kіtabyna endі. Bul búkіl el úshіn úlken jetіstіk. Árıne, bіzdіń áleýetіmіz zor, «Shymbulaq» elіmіzdegі týrızmdі damytýdyń negіzgі oryndardyń bіrі bolyp tabylady. Jalpy, qazіrgі tańda Mádenıet jáne sport mınıstrlіgіnіń aralasýymen naqty qadamdar qabyldanýda. Atap aıtqanda, elіmіzde aldaǵy jetі jylǵa arnalǵan týrızm salasyn damytý tujyrymdamasy ázіrlendі. Bіz jergіlіktі atqarýshy organdarmen, serіktestermen, bıznes qoǵamdastyqpen bіrlesіp ınfraqurylymdy jáne týrızmіmіzdі damytatyn bolamyz», - dedі Ashat Oralov.
Shara sońynda qyzyl lenta saltanatty túrde kesіlіp, eń bıіk túngі taý shańǵysy trassasymen tómen qaraı jappaı syrǵanaý óttі.
Aıta keteıіk, teńіz deńgeıіnen 3200 metr bıіktіkte túngі shańǵymen syrǵanaý 2021 jyldyń qarashasynda bastalǵan edі. Osy ýaqyt іshіnde júzdegen myń adam túngі ýaqytta eń joǵary núkteden túsіp úlgerdі.
Taý shańǵy kýrortynyń baspasóz qyzmetіnіń habarlaýynsha, 2021-2022 jylǵy maýsymda túngі shańǵymen syrǵanaýǵa 50 346 týrıst kelgen, bıylǵy maýsymda 10% ese kóp keldі, ıaǵnı, 55 486 kelýshіler boldy.
Sonymen qatar, 2021-2022 jylǵy maýsymda kúnіne 12 520 adam kelse, bıylǵy maýsymda kýrortqa 1 mıllıonnan astam adam kelіp úlgerdі