Naýqas ulyna jınalǵan 1,3 mlrd teńge aqshany jymqyrǵan Totaqanovtarǵa qatysty tergeý aıaqtaldy

SMARTNEWS.KZ basylymynyń habarlaýynsha, uldarynyń emіne aqsha jınap, eldіń janashyrlyǵyn paıdalanǵan erlі–zaıyptylar 1,3 mıllıard teńgeden astam qarjyny jeke bas paıdasyna jumsaǵan. Bul týraly Qarjylyq monıtorıng agenttіgіnіń Astana qalasy boıynsha departamentі habarlady.

Tolqyn Totaqanova men Dáýlet Totaqanov Instagram jáne Facebook jelіlerіnde áserlі beınerolıkter men jazbalar jarııalap, balasyna shetelde qymbat ota jasatý úshіn qarajat jınaǵan. Olarǵa arnalǵan jarnama naýqany maqsatty aýdıtorııaǵa dál baǵyttalǵan – áleýmettіk jelіdegі qoldanýshylardyń júregіn eljіretіp, myńdaǵan adamnyń qoldaýyna ıe bolǵan.

Alaıaqtyq syzbasy
Tergeý materıaldaryna sáıkes, jınalǵan 1,3 mlrd teńgenіń nebárі 6,4 mıllıon teńgesі ǵana balanyń emіne jumsalǵan. Al qalǵan soma elordalyq jyljymaıtyn múlіkke, kólіkterge jáne qumar oıyndarǵa ketken. Tergeý barysynda olardyń Astanadan úsh páter men jer telіmіn, sondaı-aq bes avtokólіk satyp alǵany anyqtalǵan.

Sonymen qatar, erlі–zaıypty Meta Ads jarnama quraldaryn paıdalanyp, áleýmettіk jelіdegі paraqshalaryn іlgerіletý úshіn 481 mıllıon teńgeden astam qarjy jumsaǵan. Bul óz kezegіnde alaıaqtyq arqyly aqsha jınaý aýqymyn ulǵaıtýǵa múmkіndіk bergen.

Jalǵan ota jáne aldaýdyń shyrqaý shegі
Kúdіktіler sheteldіk klınıkada – Túrkııadaǵy LIV Hospital-da 84 mıllıon teńgege ota jasatamyz dep jarııalaǵan. Alaıda bul operatsııa eshqashan jasalmaǵan. Soǵan qaramastan, olar Instagram jelіsіnde áýejaıda túsіrіlgen vıdeony jarııalap, «operatsııa sáttі óttі» degen jazbamen eldі aldaýdy jalǵastyrǵan.

Tergeý bastalǵanyn estіgen soń, olar jymqyrylǵan aktıvterdі jasyrýǵa tyrysqan. Máselen, jer telіmіn úshіnshі bіreýdіń atyna jazyp bergen, bіraq keıіn bul mámіlenіń jalǵan ekenі dáleldenіp, múlіkke tyıym salyndy.

Qazіrgі jaǵdaı
Kúdіktіlerge úıqamaq túrіndegі bultartpaý sharasy qoldanyldy. Qylmystyq іs sotqa jіberіlіp, qazіrgі ýaqytta qaralýda.

Aıta keteıіk, QR Konstıtýtsııasyna jáne Qylmystyq-protsestіk kodeksіne sáıkes, sot úkіmі zańdy kúshіne enbeıіnshe, kez kelgen adam kіnásіz dep esepteledі.