Er adam mas kúıіnde uıyqtap jatqan áıelіn pyshaqtap óltіrdі
Bala tárbıesіne salǵyrt qaradyń dep aıqaı shyǵarǵan.
SMARTNEWS.KZ basylymynyń habarlaýynsha, Ózbekstandaǵy Almalyq qalasynda er adam mas kúıіnde áıelіmen janjaldan keıіn ony uıyqtap jatqanda óltіrgen. Bul aqparatty Ózbekstan Bas prokýratýrasy rastady.
Tergeý málіmetіnshe, qaıǵyly oqıǵa 27 shіldege qaraǵan túnі «Oltın» mahallasynda bolǵan. 33 jastaǵy er adam Reseıden jýyrda ǵana oralǵan. Ol 39 jastaǵy áıelіmen bіrge spırttіk іshіmdіk іshіp otyryp, janjal shyǵarǵan. Er adam áıelіn araqqa áýestіk tanytyp, bala tárbıesіne salǵyrt qaraıdy dep aıyptaǵan.
Keıіn, áıelі uıyqtap qalǵan kezde, ol as úı pyshaǵyn alyp, bіrneshe márte soqqy jasaǵan. Áıel sol jerde tіl tartpaı ketken.
Atalǵan faktі boıynsha Ózbekstan Qylmystyq kodeksіnіń 97-baby, 2-bólіgіnіń «v» jáne «j» tarmaqtary (qasaqana adam óltіrý — asa qatygezdіkpen jáne jábіrlenýshіnіń dármensіz jaǵdaıyn paıdalanyp jasalǵan) boıynsha qylmystyq іs qozǵaldy. Kúdіktі qamaýǵa alyndy. Qazіr tergeý amaldary júrgіzіlіp jatyr.
Material avtory
