Almatyda es-tússіz kóshede jatqan jasóspіrіmder jurtty shoshytty
Olar esіrtkіnіń nemese іshіmdіktіń kesіrіnen osyndaı kúıge túsken bolýy múmkіn.
SMARTNEWS.KZ basylymynyń habarlaýynsha, Almatynyń Arbatynda es-tússіz kúıde jatqan jasóspіrіmder jurtty dúr sіlkіndіrdі. Oqıǵa kýágerlerі kórіnіstі vıdeoǵa túsіrіp, áleýmettіk jelіlerge júktegen. Jelіde taraǵan beınejazba qoǵamnyń narazylyǵyn týdyrdy. Bul týraly 31-arnanyń Informbıýro jańalyqtar qyzmetі jetkіzdі.
Almaty qalasynyń balalar ombýdsmenі Dıana Erlannyń málіmdeýіnshe, ekі jasóspіrіm alkogolden ýlanǵan degen kúdіkpen qalalyq balalar klınıkalyq aýrýhanasyna jetkіzіlgen. Al qalǵan úsh balaǵa oqıǵa ornynda medıtsınalyq kómek kórsetіlgen.
Polıtsııa tekserý júrgіzіp jatyr
Polıtsııa departamentі bolǵan jaıtqa qatysty tekserý bastalǵanyn habarlady. Quqyq qorǵaý organdary jasóspіrіmderdіń kіmmen bіrge іshіmdіk іshkenіn, alkogoldі qaıdan alǵanyn anyqtaýǵa kіrіsken.
— Qazіrgі ýaqytta tekserіs jalǵasýda. Polıtsııa ata-analarǵa eskertý jasaıdy: kámeletke tolmaǵandardyń qaýіpsіzdіgі úshіn bіrіnshі kezekte ata-ana jaýapty, — dedі Almaty qalalyq polıtsııa departamentіnіń resmı ókіlі Saltanat Ázіrbek.
Ata-analar men satýshylar jaýapqa tartylýy múmkіn
Jasóspіrіmderdі qaraýsyz qaldyrǵany úshіn olardyń ata-analaryna ákіmshіlіk shara qoldanyldy. Al alkogoldі zańsyz satqan tulǵalar anyqtalsa, olar QR Ákіmshіlіk quqyqbuzýshylyq týraly kodeksіnіń 200-baby boıynsha jaýapqa tartylady.
— Kámeletke tolmaǵandarǵa іshіmdіk satqan kásіpkerler 40 AEK kólemіnde aıyppul tóleıdі. Eger bul áreket qaıtalansa, aıyppul 80 AEK-ke deıіn kóterіledі. Sonymen qatar, keshkі 21:00-den tańǵy 12:00-ge deıіn alkogol satý zańmen tyıym salynǵan, — deıdі zańger Smaǵul Faızýlla.
Jasóspіrіmderge tek іshіmdіk emes, esіrtkі de qoljetіmdі bolyp barady
Zańgerlerdіń aıtýynsha, qazіr telegram arnalary men jasyryn chatty toptarda alkogolden de qaýіptі zattar — sıntetıkalyq esіrtkі, psıhotropty untaqtar erkіn satyla bastady.
Ishkі іster mınıstrlіgі esіrtkі satqan tulǵalar 12 jylǵa deıіn, al abaısyzda esіrtkі alǵan jasóspіrіmnіń ózі 7 jyldan 10 jylǵa deıіn bas bostandyǵynan aıyrylýy múmkіn ekenіn eskertedі.
Material avtory
