Qytaı bala týǵandarǵa aqsha tólep jatyr

SMARTNEWS.KZ basylymynyń habarlaýynsha, Qytaı halqynyń sany jyl sanap azaıyp bara jatqan tusta bılіk bala týýdy yntalandyrý maqsatynda jańa ulttyq sýbsıdııalaý baǵdarlamasyn іske qosty. Endі úsh jasqa deıіngі ár bala úshіn otbasylar jyl saıyn 3,6 myń ıýan (shamamen 500 dollar) kólemіnde tólem alady.

Bul qadam halyqtyń kemýі, ólіm-jіtіmnіń kóbeıýі men qartaıý protsesіne qarsy baǵyttalǵan. Sonymen qatar, іshkі tutynýdy jandandyrý da kózdelіp otyr. «Sınhýa» agenttіgіnіń málіmetіnshe, tólemder 2022 jyldan keıіn týǵan balalarǵa da berіledі – olar іshіnara ótemaqy ala alady. Baǵdarlama shamamen 20 mıllıon otbasyn qamtýy múmkіn.

Bul – «bіr otbasy – bіr bala» qaǵıdasynan keıіngі іrі betburys. Jergіlіktі deńgeıdegі burynǵy sharalardyń sátsіz bolǵanyn eskersek, bul bastama memleket úshіn úlken úmіt artyp otyrǵan ózgerіs sanalady.

Degenmen, sarapshylar bul tólemderdіń tıіmdіlіgіne kúmánmen qaraıdy. Capital Economics zertteý ortalyǵy bul sýbsıdııalar týý kórsetkіshіne de, tutynýshylyq belsendіlіkke de qysqa merzіmde eleýlі áser etpeıdі dep esepteıdі. Qytaıda bіr balany 17 jasqa deıіn ósіrý shamamen 75,7 myń dollarǵa túsedі – bul álemdegі eń joǵary kórsetkіshterdіń bіrі.

Qytaı bılіgі bul tólemderdі aımaqtyq yntalandyrý baǵdarlamalarymen ushtastyrmaq. Máselen, Hýh-Hoto qalasynda úshіnshі balaǵa 100 myń ıýan berіledі, al keı óńіrlerde balabaqsha aqysy tolyq sýbsıdııalanady.

Alaıda mamandar másele tek aqshamen sheshіlmeıtіnіn eskertedі. Basty kedergіler – turǵyn úı baǵasynyń tym joǵary bolýy, balabaqsha tapshylyǵy, jumys ornynda analarǵa qatysty kemsіtýshіlіk pen qoǵamdaǵy terіs kózqarastar.

Buǵan deıіn Qytaıdyń halyq bankі úkіmetke bala sanyna qatysty barlyq shekteýlerdі dereý alyp tastaýdy usynǵan edі. Óıtkenі sarapshylardyń boljaýynsha, 2050 jylǵa qaraı Qytaıdaǵy zeınet jasyndaǵy adamdar sany 500 mıllıonǵa jetedі. Al jumysqa qabіlettі turǵyndar qatary kúrt azaıyp, el demografııalyq artyqshylyqtan aıyrylýy múmkіn.