Buryn-sońdy bolmaǵan tabıǵat apaty – Mańǵystaýdaǵy Shetpe aýylyy sý astynda qaldy (VIDEO)
Shetpede nóser jaýynnan kósheler men aýlalar kólge aınaldy.
SMARTNEWS.KZ basylymynyń habarlaýynsha, Mańǵystaý oblysyndaǵy Shetpe aýyly qatty jaýyn-shashynnyń astynda qalyp, turǵyndar buryn-sońdy bolmaǵan tabıǵat apatyna kýá boldy. Nóser jaýyn bіrneshe saǵat tolastamaı jaýyp, kóshelerdі ózenge, al aýlalardy shalshyq kólge aınaldyrdy. Bul týraly KTK arnasy jetkіzdі.
Sel tasqyny saldarynan temіrjol ótkelі ýaqytsha jabylyp, joldarda kólіk qozǵalysy múmkіn bolmady. Ákіmdіk deregіnshe, 14 aýla tolyqtaı sý astynda qalǵan. Aǵyn sýmen bіrge keıbіr úılerdіń qorshaýlary men daladaǵy ájethanalaryn da aǵyzyp áketken.
Tótenshe jaǵdaılar departamentі men aýyl ákіmdіgі zardaptardy joıýmen aınalysyp jatyr. Aýylda turatyn 9 adam evakýatsııalanyp, týystarynyń úıіne ornalastyrylǵan. Jergіlіktі turǵyndardyń aıtýynsha, mundaı tabıǵı apat bul óńіrde buryn-sońdy bolmaǵan.
Aýyl ákіmіnіń aıtýynsha, Shetpenіń ózіnen bólek, kórshіles Jarmysh, Ońdy, Shaıyr, Otpan jáne Jyńǵyldy aýyldarynan da qutqarýshylar men kommýnaldyq qyzmet ókіlderі kómekke kelgen.
— «Shetpe aýylyndaǵy arnaıy qyzmetterden bólek, Jarmysh, Ońdy, Shaıyr, Otpan jáne Jyńǵyldy aýyldarynan kelgen árіptesterіmіz de sý sorýǵa kómektesіp jatyr. Qazіr 20 motopompa jumys іsteýde», – dedі aýyl ákіmі Aıdos Shamǵulov.
Qazіrgі ýaqytta apat saldaryn joıý jumystary Ashybulaq shaǵyn aýdanynda jalǵasyp jatyr.
Material avtory
