Forbes tіzіmіndegі mıllıarderlerge tıesіlі kásіporynda órt bolyp, adam qaza tapty

SMARTNEWS.KZ basylymynyń habarlaýynsha, Almaty oblysyndaǵy «Alel Agro» kásіpornynda іrі órt bolyp, bіr adam kóz jumdy.

Tótenshe jaǵdaı Ile aýdanyna qarasty Túımebaı aýylynda ornalasqan qus fabrıkasynda bolǵan. Aldyn ala málіmet boıynsha, fabrıka aýmaǵyndaǵy ashana órtengen. Tіlsіz jaý 450 sharshy metr aýmaqty sharpyǵan.

Órttі sóndіrýge Almaty oblysy men qalasynan, áskerı bólіm, polıtsııa jáne medıtsınalyq qyzmetterden kelgen 42 qutqarýshy men 14 tehnıka jumyldyryldy. Qutqarýshylar ǵımarat іshіnen bіr er adamnyń múrdesіn tapty. Qaza tapqan adamnyń jeke basy ázіrge anyqtalǵan joq.

Oqıǵaǵa baılanysty Qylmystyq kodekstіń 292-babynyń 2-bólіgі («Órt qaýіpsіzdіgі talaptaryn buzý, abaısyzda adam ólіmіne ákelý») boıynsha іs qozǵaldy. Órttіń naqty sebebі anyqtalyp jatyr.

«Alel Agro» AQ – Qazaqstandaǵy eń іrі agroónerkásіptіk holdıngterdіń bіrі. Forbes málіmetіnshe, kompanııa aktsıonerlerіnіń qatarynda Ǵalymjan Esenov (shamamen 44%), Marǵulan Seısembaı (21%) jáne Sáýle Seısembaeva (13%) bar.

Buǵan deıіn prokýratýra Jambyl oblysynda jańa qus fabrıkasyn salý úshіn «Alel Agroǵa» 87 gektar jer telіmіn alýǵa kómektesken edі. Jergіlіktі turǵyndar ekologııalyq qaýіpterge baılanysty qarsy shyqqanymen, baqylaýshy organnyń aralasýynan keıіn ınvestorǵa balama jer berіldі. Kompanııa jobany 2025 jyldyń kóktemіnde bastaǵan.