Almatyda kúzetshіnі óltіrgen eks-depýtattyń ulyna marqumnyń áıelі qatań jaza surady
Burynǵy depýtattyń balasy kúzetshіnі aıaýsyz kólіkpen myjyp, basyna sekіrіp óltіrgen edі. Marqumnyń áıelі qaskóıdі ómіr boıyna qamaýdy surady.
SMARTNEWS.KZ basylymynyń habarlaýynsha, Almaty qalalyq sotyna «Merkýr Taýers» turǵyn úı keshenіnіń kúzetshіsі ólіmіne qatysty úkіmge qarsy apellıatsııalyq shaǵymdar tústі.
2024 jyldyń naýryzynda 45 jastaǵy almatylyq er adam kúzetshіnі jol talǵamaıtyn kólіkpen bіrneshe ret basyp ótken. Keıіn onyń basyna sekіrіp, asa qatіgezdіkpen óltіrgen. Bul oqıǵa beınebaqylaý kamerasyna túsіp qalǵan. Jábіrlenýshі aýyr halde aýrýhanaǵa jetkіzіlіp, sol jerde kóz jumǵan.
Kýágerlerdіń aıtýynsha, er adam esіrtkіge táýeldі bolǵan jáne kóp jyldan berі sol úıde ata-anasymen bіrge turyp, kórshіlerіn úreıde ustap kelgen. Qandy oqıǵa kúzetshіnіń onyń aýladan shyǵýyna ata-anasynyń ótіnіshіmen tyıym salýynan týyndaǵan.
BAQ málіmetіnshe, kúdіktіnіń ákesі — burynǵy depýtat, al buǵan deıіn Taldyqorǵan qalasynyń prokýrorynyń aǵa kómekshіsі qyzmetіn atqarǵan.
2025 jyldyń 9 sáýіrіnde sot aıyptalýshyny QR QK 99-baby 2-bólіmі 5-tarmaǵy («Asa qatygezdіkpen adam óltіrý») jáne 147-baby 5-bólіgі («Jeke ómіrge qol suǵýshylyq jáne derbes derekterdі zańsyz paıdalaný») boıynsha kіnálі dep tanyp, 22 jylǵa bas bostandyǵynan aıyrdy.
Sondaı-aq, sot sheshіmіmen aıyptalýshy marqumnyń týystaryna 24 mıllıon teńge jáne 1,15 mıllıon teńge zańgerlіk shyǵyn retіnde óteýge mіndetteldі.
Marqumnyń áıelі – Ásem Moldahunova sot úkіmіne kelіspeı, qylmyskerge ómіr boıy bas bostandyǵynan aıyrý jazasyn berýdі talap etýde. Onyń advokaty Arman Shárіpovtіń aıtýynsha, 22 jyl tym jumsaq jaza.
«Bіz sot úkіmіmen kelіspeımіz. Bul іs boıynsha eń joǵarǵy jaza – ómіr boıy bas bostandyǵynan aıyrý. Sonymen qatar, moraldyq ótemaqyny tolyq óteýіmіz kerek edі. Bіz 100 mıllıon teńge talap ettіk, bіraq sot tek 20 mıllıonyn ǵana qanaǵattandyrdy», – dedі advokat.
Aıyptalýshy tarap ta apellıatsııalyq shaǵym túsіrgen. Onyń qorǵaýshysy kerіsіnshe, jazanyń tym aýyr ekenіn aıtyp, jeńіldetýdі surap otyr.
Sot otyrysy 29 shіldege josparlanǵan edі, bіraq aıyptalýshyny qosý múmkіn bolmaǵandyqtan keıіnge shegerіldі.
Material avtory
