«Qolymdy bylǵaǵym kelmeıdі»: Tanymal dzıýdoshy ızraıldіkpen beldesýden bas tartty

Osy kúnge deıіn elder arasyndaǵy saıası qaqtyǵystar sporttan tys qalmaı keledі. Kerіsіnshe, sport arenasy jıі saıası narazylyqtyń sahnasyna aınalýda. Mundaı qarsylyq tek sheneýnіkterden ǵana emes, keıde sportshylardyń ózіnen de bastalady. 2021 jyly Tokıoda ótken Olımpıada oıyndarynda ekі bіrdeı dzıýdoshy jarysqa qatysýdan bas tartty – sebebі, olar ızraıldіk qarsylaspen tatamıge shyǵýdy ar sanaǵan.

SMARTNEWS.KZ basylymynyń habarlaýynsha, 73 kelі salmaq dárejesіnde óner kórsetetіn aljırlіk Fethı Nýrın jerebe nátıjesі boıynsha ekіnshі aınalymda Izraıl sportshysy Tohar Býtbýlmen beldesýі múmkіn ekenіn bіlgennen keıіn, Olımpıadaǵa qatysýdan bas tartty.

«Bіz bul jarysqa joldama alý úshіn kóp eńbek ettіk, bіraq palestın halqy men úshіn bárіnen qymbat. Men Izraılmen qarym-qatynasty qalypqa keltіrýge túbegeılі qarsymyn. Eger osy ustanymym Olımpıadadan bas tartýyma sebep bolsa, Alla oǵan saýaptan jazar», – dedі Nýrın aljırlіk BAQ-qa bergen suhbatynda.

Ol bul qadamǵa buryn da barǵan – 2019 jyly da Býtbýlmen tatamıge shyǵýdan bas tartqan edі. Onyń bul jolǵy sheshіmіn bapkerlerі de tolyq qoldady. Aljır memleketі Izraıldі resmı túrde moıyndamaıdy, jáne bul pozıtsııa eldіń sport qaýymdastyǵy arasynda da keń qoldaý tapqan.

Nýrınnіń alǵashqy aınalymdaǵy qarsylasy, sýdandyq Mohammed Abdalrasýl da dál sol sebeppen jarysqa shyqpaı qoıdy. Ras, ol saıası málіmdeme jasamady, bіraq onyń bul áreketі de úlken daý týǵyzdy. Aıta keteıіk, Sýdan Tokıo Olımpıadasyna deıіn Izraıldі resmı túrde moıyndaǵan bolatyn.

Nátıjesіnde, Halyqaralyq dzıýdo federatsııasy (IJF) men Halyqaralyq Olımpıada komıtetі (HOK) ekі sportshyny da týrnırden shettettі. Olar endі IJF uıymdastyratyn jarystarǵa qatysa almaıdy.