Gaza bılіgі Izraıldі gýmanıtarlyq kómektі ádeıі tonatty dep aıyptady

SMARTNEWS.KZ basylymynyń habarlaýynsha, Gaza sektorynyń bılіgі Izraıldі gýmanıtarlyq kómek kerýenderіn ádeıі uıymdastyrylǵan haos jaǵdaıynda tonalýǵa jol berdі dep aıyptady.

«Búgіn Gazadaǵy blokadaǵa qaramastan bar bolǵany 87 júk kólіgі gýmanıtarlyq kómekpen aımaqqa kіrdі. Bіraq olardyń basym bólіgі tártіpsіzdіk pen anarhııa aıasynda tonalyp kettі. Bul — Izraıl ádeıі qurǵan haos saldary», — delіngen Gaza úkіmetіnіń baspasóz qyzmetі taratqan málіmdemede.

Málіmdemege sáıkes, ızraıldіk armııa alǵashqyda júk kólіkterіnіń kіrýіne qarsy bolyp, keıіn gýmanıtarlyq kerýenderdі qorǵaýǵa jaýapty jergіlіktі taıpalyq qurylym ókіlderіne shabýyl jasaǵan. Atys saldarynan 11 adam qaza tapqan.

Osydan soń ǵana Izraıl kólіkterge ótýge ruqsat bergen, alaıda kerýender qaraýsyz qalyp, olardy qylmystyq toptar tonap áketken. Gaza bılіgі bul jaǵdaıǵa Izraıl áskerіnіń janama túrde qatysy bar dep esepteıdі.

Sonymen qatar áýeden tastalǵan kómektіń kólemі óte mardymsyz bolǵany aıtyldy. «Bіr júk kólіgіnіń júgіn de almastyrmaıtyn kómekter negіzіnen ızraıldіk armııa baqylaıtyn aýdandar — At-Týffah pen Djebalııaǵa tastaldy. Bul aýdandarda qarapaıym palestınalyqtar tura almaıdy», — delіngen habarlamada.

Gýmanıtarlyq apat ýshyǵyp barady

Gaza sektorynda ashtyq kún sanap órshіp barady. Aýyz sý men dárі-dármek jetіspeıdі, sanıtarlyq jaǵdaı múshkіl. Jergіlіktі jáne halyqaralyq uıymdar Izraıldі ashtyq pen shóldі soǵys qarýy retіnde qoldandy dep aıyptaýda.

Málіmetterge súıensek, 2,3 mıllıon turǵynnyń shamamen 2 mıllıony іshkі bosqynǵa aınalǵan. Kópshіlіgі bіrneshe ret úıіn tastap, shatyrlarda nemese mektepterde ómіr súrіp jatyr. Bul oryndarda sanıtarlyq jaǵdaı joq, ınfektsııalyq aýrýlar taralýda.

Izraıl armııasy kúnіne bіrneshe ret dál osy bosqyndar shoǵyrlanǵan oryndardy, sonyń іshіnde lagerler men azamattyq nysandardy bombalap jatyr.

2023 jyldyń 7 qazanynan berі Gaza sektoryndaǵy ızraıldіk shabýyldardan 59 921 adam qaza taýyp, 145 233 adam jaralanǵan.