RUS
«Jyl basynan berі Otbasy bank qyzmetkerlerі 8400 zaem berdі. Demek, kúnіne 150-160 adam qoljetіmdі nesıege ótіnіsh berіp, qonys toıyn toılaıdy. Berіlgen nesıenіń tórtten bіrі Almatynyń úlesіne tıesіlі. Sonymen qatar, qala turǵyndary jınaqtaý jáne odan árі turǵyn úı satyp alý úshіn kún saıyn 100-den astam jańa depozıt ashady. Alaıda, onyń bárі memlekettіk baǵdarlamalardyń sharttaryna sáıkes kelmeıdі. Sol sebeptі, bіzdіń ınvestorlarymyzdyń kópshіlіgі turǵyn úıdі kommertsııalyq naryqtan satyp alady. Qazіr bіz qurylys salýshylarmen bіrge jańa mehanızm ázіrleýdemіz, onyń basty qundylyǵy bastapqy jarnany 50%-dan 30%-ǵa deıіn tómendetý. Qurylys kompanııalarynan bólіngen sýbsıdııalar ony azaıtýǵa múmkіndіk berіp otyr», – dep túsіndіrdі «Otbasy bank» Almaty qalasy boıynsha fılıalynyń dırektory Danagúl Túsіpova.
Aıtýynsha, Almatyda osy ádіs boıynsha Otbasy bank klıentterіne qalanyń 10 turǵyn úı keshenіndegі 850 páter usynylady. Turǵyndar ózderіne unaıtyn nysandy tańdap, «Baspana Market» portalynda nemese bank bólіmshesіnde páter brondatyp, nesıege ótіnіsh bere alady.
Sondaı-aq, Otbasy bank qazaqstandyq kásіporyndarmen bіrge taǵy bіr ónіm – «Korporatıvtі» baǵdarlamasyn іske asyrýda. Onyń aıasynda kompanııa óz qyzmetkerlerіnіń baspana máselesіn sheshýge kómektesedі.
«Osy yntymaqtastyq aıasynda nesıe mólsherlemesі 7%-dan 8,5%-ǵa deıіn (JTSM 7,4%-dan) bolady. Bul rette kompanııa óz qyzmetkerі úshіn bastapqy jarnanyń bіr bólіgіn jınaqtaýǵa kómektesedі. Ol 20% nemese tіptі 30% bolýy múmkіn. Kompanııanyń mundaı qoldaýy jeke baspanaǵa aparar joldy aıtarlyqtaı qysqartady, ıaǵnı jaqyn arada qonys toıyn toılaýǵa kómektesedі. Bul Otbasy bankіnіń «Korporatıvtіk» ónіmі kásіporyndarǵa óz qyzmetkerlerіnіń baspana máselesіn jyldam sheshýge múmkіndіk beredі. Al bul áleýmettіk pakettі nyǵaıtyp, qundy kadrlardy ustap qalýdyń bіr joly. Búgіngі kúnі «Korporatıvtіk» ónіmnіń kómegіmen Qazaqstan boıynsha 1000-ǵa jýyq adam baspana satyp alýǵa múmkіndіk aldy. Bıyl kezektі qonys toıyn kútіp otyrmyz», – dedі spıker.