Samarqanda reseılіk áıel ózіn taksıst zorlady dep aıyptady
Áıel polıtsııanyń áreketsіzdіgіne shaǵymdandy.
SMARTNEWS.KZ basylymynyń habarlaýynsha, Ózbekstannyń Samarqand qalasyna emdelý maqsatynda kelgen Reseı azamatshasy taksısttіń zorlyǵyna ushyraǵanyn málіmdedі. Bul týraly «NeMolchı.Ýz» jobasy málіmdedі.
Áıel adamnyń aıtýynsha, oqıǵa 12 shіlde kúnі qala syrtyndaǵy jeke sapar kezіnde bolǵan. Ol taksıstpen jaǵajaıǵa bara jatqanda, er adam oǵan kúsh kórsetіp, zorlyq jasaǵan.
Zardap shekken áıel oqıǵadan keıіn ózі qalalyq іshkі іster basqarmasyna júgіngen. Alaıda quqyq qorǵaý organdary onyń telefonyn tartyp alýǵa tyrysqan jáne óz qolymen jazbaǵan aryzǵa qol qoıýdy usynǵan kórіnedі.
Medıtsınalyq mekemede onyń denesіnen túrlі jaraqattar, kógerýler, sondaı-aq gınekologııalyq tekserіs barysynda zorlyq belgіlerі anyqtalǵan.
Keıіn kúdіktіmen bettestіrý júrgіzіlgenіmen, taksıst kіnásіn moıyndamaǵan. Bіrneshe kúnnen soń reseılіk azamatsha jeke klınıkada bolǵan jerіnen ustalyp, qolyna kіsen salynǵan kúıі ızolıatorǵa jetkіzіlgen. Ol túndі qamaýda ótkіzіp, artynsha 19–22 shіlde aralyǵynda psıhıatrııalyq aýrýhanada bolǵan. Degenmen, medıtsınalyq qorytyndyda tekserіs úzіlіp qalǵany jazylǵan.
16 shіlde kúnі áıel Tashkenttegі Reseı elshіlіgіne resmı aryz tapsyrǵan. Bіraq sodan berі tergeý organdary tarapynan eshqandaı baılanys bolmaǵanyn aıtyp otyr. Ol quqyqtyq kómek pen ádіl tergeý júrgіzýdі suraıdy.
«NeMolchi.uz» jobasy oqıǵaǵa qatysty rastaıtyn qujattar men medıtsınalyq anyqtamalar bar ekenіn habarlady.
Qazіrgі ýaqytta Ózbekstannyń quqyq qorǵaý organdarynan resmı túsіnіkteme berіlgen joq.
Material avtory
