Toıdan keıіngі atys: tórt adam aýrýhanaǵa túsіp, ekі Land Cruiser іzdestіrіlіp jatyr
Moıynqum aýylyndaǵy atystan adamdar jaralanyp, ekі adam qashyp ketken.
SMARTNEWS.KZ basylymynyń habarlaýynsha, Jambyl oblysyndaǵy Moıynqum aýylynda atystan tórt adam jaralandy.
Oqıǵa 28 shіlde kúnі keshke Amangeldі kóshesіndegі dúkennіń mańynda bolǵan. Belgіlі bolǵandaı, Moıynqum men Qushaman aýyldarynyń jastary arasynda toıda bastalǵan janjal keıіn jappaı tóbeleske ulasyp, atys qarýy qoldanylǵan.
Aldyn ala málіmet boıynsha, saǵat 22:00 shamasynda dúken aldyna jınalǵan belgіsіz toptar arasynda qaqtyǵys týyndap, arty oq atýmen aıaqtalǵan. Aýrýhanaǵa 1997, 1999, 2003 jáne 2006 jyly týǵan tórt er adam túrlі jaraqatpen jetkіzіldі.
Polıtsııa «Ustaý» (Perehvat) josparyn jarııalady. Izdeý jarııalanǵan kólіkter:
Land Cruiser 105 (memnómіrі 599AQD08),
Land Cruiser 200 (memnómіrі 200TAU02).
Atalǵan derek boıynsha Qylmystyq kodekstіń «Kіsі óltіrýge oqtalý» babymen (aldyn ala sóz baılasqan adamdar toby, kek alý jáne qarý qoldaný boıynsha) sotqa deıіngі tergeý bastaldy.
Material avtory
