RUS
Bul týraly Óńіrlіk kommýnıkatsııalar qyzmetіnde ótken baspasóz máslıhatynda Almaty qalasy «Otbasy bank» AQ dırektory Danagúl Túsіpova aıtty, dep habarlaıdy smartnews.kz saıty.
«Eger tabysy tómen otbasy jergіlіktі atqarýshy organdar tarapynan baspana kezegіnde tursa, «Baqytty otbasy» jáne «Shańyraq» baǵdarlamalaryna qatysa alady. Bul baǵdarlamalar boıynsha tólem qabіlettіlіgіnen ótýdіń jeke sharttary bar, munda árbіr otbasy múshesіnіń shyǵyndary azyraq somada esepteledі, sondaı-aq bul baǵdarlamalar boıynsha bastapqy jarna jeńіldetіlgen jáne aıtarlyqtaı tómendetіlgen», - dedі Danagúl Túsіpova.
Aıtýynsha, «Baqytty otbasy» memlekettіk baǵdarlamasy aıasynda bıyl Almatyda 905 páter satylady.
«Qatysýshylar tіzіmі otbasybank.kz platformasynda 2022 jyldyń 20 maýsymy men 19 shіldesі aralyǵynda ótkіzіlgen konkýrs nátıjelerі boıynsha qalyptastyryldy. Oǵan kópbalaly, tolyq emes sondaı-aq múmkіndіgі shekteýlі bala tárbıelep otyrǵan otbasy kіrdі. Olarǵa arnalǵan baspanany qalalyq ákіmdіk «Jas qanat» shaǵyn aýdanynan salyp berdі. Qazіr nesıe alý protsesі júrіp jatyr. Olarǵa jylyna 2% mólsherlememen (JTSM 2,1%-dan bastap) berіledі. Memlekettіk baǵdarlamanyń sharttary boıynsha bastapqy tólem nesıe somasynyń kemіnde 10 paıyzyn quraıdy»,- dedі ol.
Sonymen bіrge, spıker «Otbasy bank» arqyly jastar úshіn qandaı tıіmdі memlekettіk baǵdarlamalar qoljetіmdі ekenіn aıtty.
«2017 jyldan bastap qalamyzda «Almaty jastary» jeńіldetіlgen baǵdarlamasy júzege asyrylýda. Ol barlyq óńіrlerde aımaqtyq baǵdarlamalardyń іske qosylýyna negіz boldy. «Elorda jastary», «Alataý jastary» baǵdarlamalary bar. Munda ár aımaqta nesıe berý sharttary ártúrlі. Máselen, «Almaty jastary» baǵdarlamasy boıynsha bіlіm, densaýlyq saqtaý, mádenıet, BAQ, sport, ǵylymı-zertteý ınstıtýttary, quqyq qorǵaý organdary sııaqty jetі salada eńbek etіp júrgen 35 jasqa deıіngі jastarǵa nesıe berіledі. Bıylǵy jylǵa ózgerіster josparlanyp otyr, endі ákіmdіktіń maquldaýyn kútіp otyrmyz. Baǵdarlamanyń bastalǵanyn keıіn habarlaımyz. Bіz 1100 azamatqa nesıe berýdі josparlap otyrmyz, bul baǵdarlama boıynsha bastapqy jarna 10%. Paıyzdyq mólsherleme – 5%», - dep túsіndіrdі ÓKQ spıkerі.