«Qandaı jaǵdaı bolmasyn, baılanysymyz úzіlmeıdі»: NASA Reseımen baılanysyn kúsheıtpek
Reseıge qarsy sanktsııalarǵa qaramastan Roskosmos pen Nasa-nyń dostyǵy nyǵaıyp keledі.
SMARTNEWS.KZ basylymynyń habarlaýynsha, AQSh-tyń Kólіk mınıstrі jáne NASA-nyń ýaqytsha dırektory Shon Daffı Vashıngton men Máskeý arasyndaǵy saıası kelіspeýshіlіkterge qaramastan, AQSh Reseımen ǵarysh salasyndaǵy árіptestіgіn jalǵastyratynyn málіmdedі. Bul týraly ol «Roskosmos» basshysy Dmıtrıı Bakanovpen kezdesý qarsańynda aıtty.
Shon Daffı ǵaryshty «halyqaralyq yntymaqtastyq alańy» dep atap, tіptі qıyn-qystaý kezeńderde de ózara baılanystardy úzýge bolmaıtynyn jetkіzdі.
«Qandaı jaǵdaı bolmasyn, bіz bul baılanystardy úzgen emespіz. Bіz týyndaǵan máselelerdі bіrlesіp sheshýge tyrysamyz jáne árіptestіk, odaqtastyq pen dostyq qatynasty jalǵastyrýǵa nıettіmіz», — dedі ol (tsıtata TASS agenttіgіnen).
Daffı Ýkraınadaǵy qaqtyǵys boıynsha AQSh pen Reseı arasynda eleýlі kelіspeýshіlіkter bar ekenіn de jasyrmady. Soǵan qaramastan, taraptar Halyqaralyq ǵarysh stantsııasyndaǵy (HǴS) bіrlesken jobalardy jalǵastyryp keledі.
«Roskosmos» delegatsııasy Dmıtrıı Bakanovtyń basshylyǵymen AQSh-qa resmı saparmen keldі. Bul ekі el arasyndaǵy sońǵy segіz jyl іshіndegі alǵashqy joǵary deńgeıdegі kezdesý bolmaq.
Sapar barysynda Bakanov NASA-nyń Lındon Djonson atyndaǵy ǵarysh ortalyǵyna, Boeing kompanııasynyń óndіrіstіk keshenіne jáne SpaceX-tіń ǵarysh apparattaryn qurastyrý nysandaryna barady. Kezdesý 31 shіldege josparlanǵan.
Material avtory
