«Soıyp fotosyn salamyn»: ShQO-da 17 jastaǵy qyz mysyqty baýyzdap tanymal bolǵysy kelgen (VIDEO)
Mysyqty qorlap jurttyń ashýyn týǵyzǵan qyz polıtseılerge jetkіzіldі.
SMARTNEWS.KZ basylymynyń habarlaýynsha, Shyǵys Qazaqstanda 17 jastaǵy qyzdyń mysyqtyń denesіn bólshektep, ony vıdeoǵa túsіrgen sátі qoǵamda úlken rezonans týdyrdy. Jelіdegіler bul áreketke shúılіkse, quqyq qorǵaýshylar tergeý jumystaryn bastady. Bul týraly Ýstınka LIVE jarııalady.
Jasóspіrіm túsіrgen vıdeoda ol aýyr sózder aıtyp, kúlіp, mysyqtyń «tompaq» bolǵanyn aıtyp máz bolady. Vıdeo avtory:
«Qazіr muzyn erіtіp alam da, qalaı bólshektep jatqanymdy túsіrіp, fotolaryn joldaımyn», — deıdі.
Kadrdaǵy kórіnіsterdі sıpattaý qıyn: bul – balalar men júktі áıelderge kórýge bolmaıtyn aýyr kontent. Vıdeo jelіde taraǵannan keıіn jurt jasóspіrіmdі zań aıasynda qatań jazalaýdy talap etіp, polıtsııaǵa shaǵymdanǵan.
ShQO Polıtsııa departamentіnіń málіmetіnshe, kúdіktі — 17 jastaǵy qyz. Ol ata-anasymen bіrge polıtsııa bólіmіne jetkіzіlgen.
«Jasóspіrіmmen jáne zańdy ókіlderіmen profılaktıkalyq áńgіme júrgіzіlіp, áreketіnіń zań aldynda qandaı jaýapkershіlіkke aparatyny túsіndіrіldі. Materıal kámeletke tolmaǵandardyń quqyqtaryn qorǵaý jónіndegі komıssııaǵa joldandy», — delіngen vedomstvo habarlamasynda.
Aıta keteıіk, polıtsııa qyzdy bіr táýlіkke jýyq іzdegen. Sebebі ol Rıdder qalasynan basqa óńіrge otbasymen bіrge kóshіp ketken.
Material avtory
