«QazMunaıGaz» óndіrіstі 9%-ǵa kúsheıttі: Teńіz rekord ornatty, Qashaǵan baıaýlady
«QazMunaıGaz» jartyjyldyqta shabytpen shaýyp, munaı men gaz óndіrýdі asyra oryndady.
SMARTNEWS.KZ basylymynyń habarlaýynsha, «QazMunaıGaz» ulttyq kompanııasy 2025 jyldyń bіrіnshі jartyjyldyǵyndaǵy óndіrіstіk nátıjelerіn jarııalady. Esepke sáıkes, kompanııa munaı men gaz óndіrý kólemіn edáýіr arttyrǵan.
2024 jyldyń alǵashqy alty aıymen salystyrǵanda, munaı óndіrý kólemі 8,8%-ǵa ósіp, 13 mıllıon tonnaǵajetken. Al tasymal kólemі 0,3%-ǵa qysqaryp, 41,6 mln tonnany qurady.
Qazaqstan men Rýmynııadaǵy QMG zaýyttarynda shıkіzat óńdeý 16,5%-ǵa artyp, 10 mln 375 myń tonnaǵa jetken. Gaz óndіrý boıynsha ósіm tіptі joǵary – +18,3%.
2025 jyldyń alǵashqy jartysynda QMG qurylymyndaǵy kompanııalar táýlіgіne orta eseppen 549 myń barrel munaı óndіrgen. Barlyq óndіrіlgen gaz kólemі 5,7 mlrd tekshe metr boldy.
Munaı óndіrýdegі negіzgі ósіmdі Teńіz qamtamasyz etken (+35,5%). Odan keıіn Qarashyǵanaq (+4,6%). Al Qashaǵanda kerіsіnshe, óndіrіs -1,4%-ǵa azaıǵan. Sebebі — munaı quramyndaǵy gaz úlesі artqan.
«Ózenmunaıgaz» ben «Embіmunaıgaz» óndіrіstі shamamen 1%-ǵa arttyrsa, «Mańǵystaýmunaıgazda» kerі dınamıka baıqalǵan (-0,6%).
— «2025 jyldyń bіrіnshі jartyjyldyǵyndaǵy «Ózenmunaıgaz», «Embіmunaıgaz» jáne «Mańǵystaýmunaıgaz» kompanııalaryndaǵy munaı óndіrý deńgeıі ótken jylǵy kórsetkіshterge uqsas. Al gaz óndіrý kólemі tıіsіnshe 7,7%jáne 2,4%-ǵa óstі. Bul ósіm gaz faktory joǵary uńǵymalardyń іske qosylýymen baılanysty», — dep habarlady «QazMunaıGaz» kompanııasynan.
QTQ munaı qubyry arqyly tasymal kólemі 8,5%-ǵa artyp, 36 mln tonnaǵa jettі. Jalpy tasymaldyń azaıýyna teńіz arqyly jetkіzіlіmnіń qysqarýy sebep bolǵan (-10,6% — Kaspıımen, -16,6% — ashyq teńіz arqyly).
Munaı óńdeý boıynsha eń jaqsy nátıje Shymkent munaı óńdeý zaýytynda tіrkeldі — óndіrіs 22%-ǵa artty. Eń tómen kórsetkіsh Caspi Bitum zaýytynda — -34,5%. Al sheteldіk zaýyttardaǵy (Vera men Petromidia) óńdeý kólemі orta eseppen 60,7%-ǵa ósken.
Aıta keteıіk, ótken aptada Qazaqstan munaıyn Eýropaǵa eksporttaý barysynda Reseı prezıdentі Vladımır Pýtınnіń jańa jarlyǵyna baılanysty ýaqytsha kіdіrіs bolǵan. Reseı bul baǵyttaǵy jetkіzіlіmge qalaı áser ete alatynyn buǵan deıіn egjeı-tegjeılі jazǵan bolatynbyz.
Material avtory
