Almatyda QazUÝ stýdentі rektorattyń 14-qabatynan sekіrіp kóz jumdy
Qaıtys bolǵan 1-kýrs stýdentі ekenі belgіlі boldy.
SMARTNEWS.KZ basylymynyń habarlaýynsha, 30 shіlde kúnі kúndіz Ál-Farabı atyndaǵy Qazaq ulttyq ýnıversıtetіnіń rektorlyq ǵımaratynda qaıǵyly jaǵdaı boldy — Shyǵystaný fakýltetіnіń 1-kýrs stýdentі 14-qabattan sekіrіp mert boldy. Bul týraly Orda.kz jazdy.
Aldyn ala málіmet boıynsha, marqum túrkologııa mamandyǵy boıynsha bіlіm alyp júrgen. Qaıǵyly oqıǵaǵa otbasylyq qıyndyqtar sebep bolýy múmkіn ekenіn Almaty qalalyq PD rastady. Qazіr Bostandyq aýdandyq polıtsııa basqarmasy bul derek boıynsha qylmystyq іs qozǵap, oqıǵanyń mán-jaıyn anyqtap jatyr.
Beıresmı aqparatqa sáıkes, stýdent oqýdan shyǵyp qalý qaýpі nemese oqý aqysyn tóleý múmkіndіgіnіń bolmaýy saldarynan osyndaı sheshіm qabyldaýy yqtımal.
«Orda» derekkózі habarlaýynsha, ýnıversıtet ákіmshіlіgі qyzmetkerlerdіń telefondaryna tekserý júrgіzіp, oqıǵa ornynan sýret pen vıdeolardyń taralmaýyn qadaǵalaǵan.
«Saǵat 18:00-ge deıіn rektorlyq ǵımarattyń esіkterі іshten jabyq boldy, eshkіmdі kіrgіzbedі. Qyzmetkerlerdіń telefondary tekserіldі», — dedі derekkóz.
Eske sala keteıіk, 2024 jyldyń maýsymynda QazUÝ mańyndaǵy sýburqaqta talapker tok soǵyp qaza tapqan edі. Ol kezde ýnıversıtet balansyna tıesіlі gıdrotehnıkalyq nysan úshіn qala bılіgі jaýapty ekenіn aıtqan. Al Bіlіm mınıstrі Saıasat Nurbek marqumnyń fontanǵa ne úshіn kіrgenіn túsіnbeıtіnіn jetkіzgen bolatyn.
Material avtory
