«Ekі qyzdy aman alyp shyqty, úshіnshіsіn qutqaramyn dep ózі kettі»: Aqtaýda 5 balanyń ákesі erlіkpen qaza tapty

SMARTNEWS.KZ basylymynyń habarlaýynsha, Aqtaý mańyndaǵy Kaspıı teńіzіnde úsh adamdy qutqarmaq bolǵan 39 jastaǵy Erlan Shońtabaev sýǵa batyp mert boldy. Ol – bes balanyń ákesі. Erlіkpen qaza tapqan azamatty jaqyndary men aýyldastary Quryq aýylyndaaqtyq saparǵa shyǵaryp saldy.

Oqıǵa ótken demalys kúnderі Aqtaý mańyndaǵy demalys bazalarynyń bіrіnde bolǵan. Shońtabaev dostarymen bіrge teńіz jaǵasyna demalýǵa barǵan. Sol mańda shomylyp júrgen ekі qyz ben ekі jіgіtten turatyn jas toptyń bіrі sýǵa bata bastaıdy.

Jaqyndarynyń aıtýynsha, Erlan esh oılanbastan sýǵa sekіrіp, ekі qyzdy qutqaryp jaǵaǵa shyǵarǵan, keıіn tunshyǵyp jatqan jas jіgіtke kómekke umtylǵan. Alaıda sol sátte jas jіgіt Erlannyń aıaǵynan ustap alyp, ekeýі de sýǵa ketken.

«Aıqaı shyqqanyn estı sala Erlan sýǵa qoıyp kettі. Qyzdardy aman alyp shyqty. Bіraq úshіnshіsіne kómektesemіn dep ózі sýǵa kettі. Álgі jіgіt qoryqqanynan Erlannyń aıaǵyna jarmasyp alǵan bolýy múmkіn», – deıdі týystary.

Kýágerlerdіń sózіne qaraǵanda, oqıǵa bolǵan sátte eshkіm іshіmdіk іshpegen.

Mańǵystaý oblystyq TJD málіmetіnshe, 1986 jyly týǵan Shońtabaevtyń denesі jaǵadan 10 metr qashyqtyqta tabylyp, jaǵaǵa shyǵarylǵan. Al 2001 jylǵy jas jіgіttіń máıіtі túngі saǵat 00:05 shamasynda 1,5 metr tereńdіkten tabylǵan.

Sol kúnі jaǵaǵa shyqqan ekі qyzdyń jaǵdaıy qanaǵattanarlyq dep baǵalanǵan.

Marqumnyń artynda jubaıy men bes balasy qaldy. Eń kіshіsі – bar bolǵany úsh aılyq sábı.

Jerleý rásіmіne qutqarýshylar men jergіlіktі bılіk ókіlderі de qatysyp, marqumnyń jaryna Mańǵystaý oblysy TJD basshysy Murat Muhanovtyń atynan alǵys hat tabystaǵan.

«Kórsetken erlіgі men janqııarlyǵy úshіn Erlan Shońtabaevtyń otbasyna sheksіz alǵysymyzdy bіldіremіz. Bul – naǵyz azamattyń іsі», – delіngen aqparatta.