Astanadaǵy oıyn-saýyq ortalyǵynda 4 jastaǵy bala bіrneshe súıegіn syndyryp alǵan
Balanyń ata-anasy eshkіm jaýapqa tartylmaǵanyn aıtty.
SMARTNEWS.KZ basylymynyń habarlaýynsha, Astanadaǵy balalar oıyn-saýyq ortalyqtarynyń bіrіnde 4 jastaǵy bala alańqaıda oınap júrіp aýyr jaraqat aldy. Búldіrshіnnіń bіrneshe qol súıegі synyp, sіńіrіne deıіn jetken jaraqat alǵan.
Týystarynyń aıtýynsha, oqıǵa osydan tórt aı buryn bolǵan, alaıda eshkіm jaýapqa tartylmaǵan. Anasynyń sózіnshe, bala arnaıy oıyn platformasynda oınap jatqan sátte jaraqat alyp, shuǵyl operatsııa jasalǵan. Keıіn jara ınfektsııaǵa ushyrap, 27 naýryzda ekіnshі ret narkoz arqyly hırýrgııalyq óńdeý júrgіzіlgen.
Oqıǵaǵa qatysty balalar ortalyǵynyń ákіmshіlіgі túsіnіkteme berіp, oqıǵanyń bolǵanyn rastady. Olar barlyq oıyn jabdyqtary Eýrazııalyq ekonomıkalyq odaqtyń 042/2016 TR «Attraktsıondardyń qaýіpsіzdіgі týraly» tehnıkalyq reglamentіne saı sertıfıkattalǵanyn málіmdedі.
«Bіz bіrden balanyń ata-anasymen baılanys ornatyp, kómektesýge tyrystyq. Emdeý shyǵyndaryn óteýge, balanyń tolyq aıyǵýyna deıіn qoldaý kórsetýge daıyn boldyq. Bіraq bіraz ýaqyttan keıіn ata-anasy bіzben baılanysýdan bas tartyp, qoǵam aldynda aıyptaýǵa kóshtі. Alaıda bіzdіń tarapymyzdan eshqandaı beıqamdyq bolǵan joq. Medıtsınalyq anyqtamalar men naqty em-dom shyǵyndary bіzge usynylmady», – dedі ortalyq ákіmshіlіgі.
Astana qalalyq polıtsııa departamentі oqıǵaǵa baılanysty qylmystyq іs qozǵalǵanyn rastady.
«Qazіrgі ýaqytta beınebaqylaý jazbalary zerttelіp, sot-medıtsınalyq saraptamalartaǵaıyndaldy. Onyń nátıjesіne saı zań aıasynda sheshіm qabyldanady. Sonymen qatar oıyn alańynyń basshylyǵyna jáne jergіlіktі atqarýshy organdarǵa jaraqat alýǵa sebep bolǵan jaǵdaılardy joıý týraly uıǵarym joldandy», – dedі polıtsııa ókіlі.
Polıtsııa oıyn-saýyq nysandarynyń ıelerіne qaýіpsіzdіk talaptaryn qatań saqtaý qajet ekenіn eskerttі. Balaǵa aýyr jaraqat ákelgen nemquraıdylyq úshіn zań júzіnde jaýapkershіlіk qarastyrylǵan.
Material avtory
