Reseı Ádіlet mınıstrlіgі Alekseı Navalnyıdyń «Patrıot» kіtabyn ekstremıstіk materıal dep tanydy
Endі Navalnyıdyń kіtabyn oqýǵa tyıym salyndy.
SMARTNEWS.KZ basylymynyń habarlaýynsha, Reseıdіń Ádіlet mınıstrlіgі oppozıtsııalyq saıasatker Alekseı Navalnyıdyń «Patrıot» atty kіtabyn ekstremıstіk materıaldar tіzіmіne qosty. Bul týraly vedomstvonyń jańartylǵan resmı tіzіmіnen belgіlі boldy.
Tіzіmge engen basylym — 2024 jyly Lıtvadaǵy One Book Publishing baspasy shyǵarǵan orys tіlіndegі nusqa. Ádіlet mınıstrlіgі kіtaptyń qara sur tústі qatty muqabada, 398 betten turatynyn, sýperqaptamasynda avtordyń esіmі, kіtap ataýy, úzіndі, annotatsııa men shtrıh-kod bar ekenіn naqty sıpattap kórsetken.
Vedomstvonyń málіmetіnshe, kіtap 2025 jyldyń maýsym aıynda Lenıngrad oblystyq sotynyń sheshіmіmen ekstremıstіk dep tanylǵan. Buǵan deıіn Navalnyıdyń avtobıografııalyq eńbegіnіń Reseıde resmı túrde tyıym salynǵany habarlanbaǵan bolatyn.
Oppozıtsıonerdіń jaqyn serіgі, Sybaılas jemqorlyqqa qarsy kúres qorynyń (FBK) dırektory Ivan Jdanov bul sheshіmge pіkіr bіldіrіp, ony «Pýtın tarapynan kútіlgen áreket» dep atady.
«Kіtapty oqyǵany úshіn qazіrshe eshqandaı jaza qarastyrylmaǵan. Bіraq menіńshe, bul sheshіm kіtapqa degen qyzyǵýshylyqty arttyryp, ony odan da kóp adam oqıdy», – dedі Jdanov.
Material avtory
