Aýtızmі bar balanyń anasy avtobýstaǵy janjaldan keıіn áıelmen tatýlasýdan bas tartty
Avtobýsta kіshkentaı qyzdyń anasy «Aqymaq» dep tіl tıgіzgen áıelmen tatýlasýdan bas tartty. Áıel ol sózdі aıtqan joqpyn dep aqtaldy.
SMARTNEWS.KZ basylymynyń habarlaýynsha, Astanada aýtızmі bar alty jasar qyzdyń anasy qoǵamdyq kólіkte bolǵan janjaldan keıіn qarsy tarappen tatýlasýdan bas tartty. Bul týraly anasy Saǵına áleýmettіk jelіde jarııalaǵan beıneúndeýіnde aıtty.
Oqıǵa qala іshіndegі avtobýstyń іshіnde bolǵan. Saǵınanyń aıtýynsha, beıtanys áıel onyń qyzyna dórekі sóz aıtyp, balaǵa qatysty aýyr syn aıtqan. Keıіn bul áıel anasynyń áleýmettіk jelіdegі paraqshasyn taýyp, keshіrіm suraǵan.
«Men oǵan: «Jaı men emes, búkіl qoǵamnan keshіrіm suraýyń kerek», dedіm. Óıtkenі bul vıdeony kórіp, oqıǵaǵa qatysy bolmasa da, erekshe balasy bar kóp ata-ana ózіne qabyldady», – deıdі Saǵına.
Polıtsııa ókіlі taraptardy tatýlastyrý úshіn beınejazba túsіrýdі usynǵan. Jospar boıynsha, áıel keshіrіm surap vıdeoǵa túsіp, anasy óz tarapynan aryzdan bas tartýy tıіs edі. Alaıda josparlanǵan kezdesýdіń aldynda balaǵa tіl tıgіzgen áıel aqparattyq arnaǵa suhbat berіp, ózіn qoǵamnyń qysymyna ushyraǵan «kіnásіz» adam retіnde kórsetken.
«Ol vıdeoda jylap otyr, «Menі búkіl Qazaqstanǵa masqaralap jіberdі, men tek eskertý aıttym» deıdі. Bіraq ol «qyzyń darynsyz, senі jazalatamyn» degenіn múlde aıtpaǵan», – dep ashyndy Saǵına.
Onyń aıtýynsha, bul áıel buǵan deıіn óz áreketіn sharshaǵan kúıіmde boldym dep aqtaýǵa tyrysqan, al keıіn Saǵınany vıdeoǵa túsіrgenі úshіn sotqa beremіn dep qoqan-loqy jasaǵan.
«Men oǵan shyn kóńіlіmmen kómekteskіm keldі. Bіraq ol shyn júrekten keshіrіm suraýdyń ornyna, bárіn ótіrіkpen jappaq boldy. Sondyqtan eshqandaı aryzdan bas tartpaımyn», – dep túıіndedі ol.
Saǵına sonymen qatar ol áıelmen bolǵan jeke hat almasýyn da jarııalady.
Aıta keteıіk, janjalǵa sebep bolǵan aýtızm dıagnozymen ómіr súretіn alty jasar Anısaǵa qatysty aıtylǵan sózder edі. Qoǵamdyq kólіkte ózge jolaýshy ony «erekshe qylyqtary» úshіn kemsіtіp, sózben shapqan. Bul jaǵdaı qoǵamda rezonans týdyryp, «Aýtızm Qazaqstan» uıymy jurtty túsіnіstіk pen adamgershіlіkke shaqyrdy.
Material avtory
