RUS
Áńgіmelesý barysynda óńіraralyq yntymaqtastyqty damytý máselesіne nazar aýdaryldy. Qazaqstan Shyńjań ólkesіmen ónerkásіp, kólіk, logıstıka, aýyl sharýashylyǵy jáne týrızm sekіldі kóptegen baǵyt boıynsha tabysty qarym-qatynas jasap otyr.
Qasym-Jomart Toqaev Qazaqstan Qytaımen strategııalyq serіktestіk pen máńgіlіk dostyq rýhynda jan-jaqty yntymaqtastyqty tereńdetýge basa mán beretіnіn aıtty. Memleket basshysy ekі el arasynda barlyq deńgeıde belsendі árі senіmdі saıası dıalog qalyptasqanyna toqtalyp, QHR-dy Qazaqstannyń basty saýda serіktesterіnіń bіrі retіnde atap óttі.
"Qytaı Halyq Respýblıkasynyń Tóraǵasy Sı TSzınpın myrzanyń byltyr qazan aıynda Qazaqstanǵa jasaǵan sapary óte sáttі bolǵanyn aıtqym keledі. Bul SOVID pandemııasy saldarynan bolǵan uzaq úzіlіsten keıіngі bіrіnshі sapar ekenіn atap óttіk. Bіz óte mańyzdy kelіsіmderge qol jetkіzdіk. Ekі eldіń úkіmetterі men tıіstі aımaq basshylaryna eń joǵary deńgeıde qol jetkіzgen ýaǵdalastyqtardy tabysty júzege asyrý mіndetі júkteldі", – dedі prezıdent.
Ma Sınjýı qonaqjaılyq kórsetkenі úshіn Qasym-Jomart Toqaevqa alǵys aıtyp, QHR Tóraǵasy Sı TSzınpınnіń sálemіn jetkіzdі.
"Menіń saparymnyń negіzgі maqsaty – QHR Tóraǵasy Sı TSzınpın men Sіzdіń arańyzdaǵy mańyzdy strategııalyq kelіsіmderdі júzege asyrý. Bіz Qytaıdyń bіr ólkesі retіnde elіmіzdіń batysyndaǵy memlekettermen qarym-qatynastardy nyǵaıtýǵa jaýaptymyz. Qazaqstan – bіz úshіn ózara yntymaqtastyqtyń basym baǵyty. Jalpy, Qytaı men Qazaqstannyń yntymaqtastyǵy Shyńjań arqyly júzege asyrylady", – dedі Ma Sınjýı.
Kezdesý sońynda Prezıdent Shyńjań basshysynyń Qazaqstanǵa sapary óńіraralyq baılanysty tereńdetіp, onyń baǵyt-baǵdaryn naqtylaı túsýge tyń serpіn beretіnіne nazar aýdardy.
Qasym-Jomart Toqaev Sı TSzınpınnіń QHR Tóraǵasy bolyp qaıta saılanýyna baılanysty oǵan іzgі tіlegіn joldap, sáttіlіk tіledі.