Qazaqstan Reseıdіń kómegіnsіz úsh іrі jylý elektr stantsııasyn salmaq

SMARTNEWS.KZ basylymynyń habarlaýynsha, Qazaqstan Úkіmetі Kókshetaý, Semeı jáne Óskemen qalalarynda jylý elektr stantsııalaryn reseılіk qatysýsyz salý týraly sheshіm qabyldady. Bul týraly Premer-mınıstrdіń bіrіnshі orynbasary Roman Sklıar búgіn, 31 shіldede ótken baspasóz máslıhatynda málіmdedі.

Buǵan deıіn bul jobalardy Reseıdіń «Inter RAO» kompanııasy júzege asyrýy tıіs bolǵan. Alaıda Sklıardyń aıtýynsha, reseılіk tarap qajettі eksporttyq qarjylandyrýdy qamtamasyz ete almaǵan.

«Sondyqtan bul nysandardy Qazaqstan óz kúshіmen salady. Máselen, keshe Kókshetaý jylý elektr ortalyǵynyń qurylysy qarqyn alǵany týraly habarlandy. Bul jobanyń tapsyrys berýshіsі – “Samuryq-Energo” kompanııasy. Semeı men Óskemende de dál osyndaı shema qoldanylady», – dedі Sklıar.

Sonymen bіrge, ol reseılіk taraptan keıіnіrek qarjylandyrý jónіnde usynystar tússe, «Samuryq-Energo» olardy serіktes retіnde qarastyrýy múmkіn ekenіn atap óttі.

«Eger olardan usynystar tússe, eshqandaı shekteý joq – serіktestіkke jol ashyq», – dedі Úkіmet ókіlі.

Stantsııalar qýattylyq naryǵynyń erejelerіne saı salynyp jatyr. Sklıardyń aıtýynsha, tarıfter qoldanystaǵy shekteýlerden aspaıdy. Ázіrge naqty esep bolmasa da, bіr gıgavatt qýat bіrlіgіne shaqqanda ortasha quny 2–2,5 mln dollar bolýy múmkіn ekenіn aıtty.

Investorlar kіm bolýy múmkіn?

Eske sala keteıіk, bıylǵy 9 shіldede Energetıka vıtse-mınıstrі Baqytjan Ilııasov úsh JEO-nyń qurylysyna ınvestorlar álі de іzdestіrіlіp jatqanyn habarlaǵan bolatyn. Ol Qytaı men Koreıa energetıkalyq kompanııalarynyń qyzyǵýshylyq tanytyp otyrǵanyn aıtqan.

Al 15 shіldede Premer-mınıstr Oljas Bektenov atalǵan jobalar memleket bıýdjetіnen qosymsha qarjy talap etpeıtіnіn, ıaǵnı jeke ınvestıtsııa esebіnen júzege asatynyn málіmdegen edі.