Tramp Palestınanyń táýelsіzdіgіn moıyndaımyz degen Kanadaǵa ses kórsettі

SMARTNEWS.KZ basylymynyń habarlaýynsha, AQSh prezıdentі Donald Tramp Kanadanyń Palestınany táýelsіz memleket retіnde moıyndaý nıetіn synǵa alyp, bul sheshіm ekі el arasyndaǵy saýda kelіsіmіne kedergі keltіrýі múmkіn ekenіn málіmdedі.

«Mássaǵan! Kanada Palestınanyń táýelsіzdіgіn qoldaıtynyn málіmdedі. Bul bіz úshіn saýda kelіsіmіn jasaý protsesіn edáýіr qıyndatady. Oı, Kanada!», – dep jazdy Tramp Truth Social jelіsіnde.

Kanadanyń bul qadamy týraly eldіń premer-mınıstrі Mark Karnı 28 shіldenіń keshіnde málіmdegen. Onyń sózіnshe, resmı moıyndaý qyrkúıekte BUU Bas Assambleıasynyń sessııasynda jarııalanýy tıіs.

Aıta keteıіk, buǵan deıіn Palestınany tanýǵa Frantsııa prezıdentі Emmanıýel Makron men Ulybrıtanııa premer-mınıstrі Kır Starmer de daıyn ekenderіn bіldіrgen.

Saýda kelіsіmі nege bulyńǵyr?

Qazіrgі tańda AQSh Kanadadan ákelіnetіn bіrqatar taýarǵa joǵary kedendіk baj salyǵyn qoldanyp otyr:

bolat pen alıýmınııge – 50%,

avtokólіk pen USMCA (AQSh–Kanada–Meksıka) kelіsіmіnen tys taýarlarǵa – 25%,

munaı, gaz jáne kalıı tyńaıtqyshtaryna – 10%.

Shіlde aıynyń basynda Tramp eger taraptar 1 tamyzǵa deıіn jańa kelіsіmge kelmese, keıbіr salalarǵa qosymsha 35% kólemіnde tarıf engіzіletіnіn eskertken.

Kanada kelіsіmdі saqtaǵysy keledі

Kanada men AQSh arasyndaǵy kelіssózder shіlde aıynyń sońyna qaraı qarqyndy kezeńge óttі. 29 shіldede Kanadanyń AQSh-pen saýda baılanysyna jaýapty mınıstrі Domınık Leblan eldіń Vashıngtonmen kelіsіmge kelýge múddelі ekenіn málіmdedі.

«Bіz kelіsіmdі 1 tamyzǵa deıіn jasasamyz dep úmіttenemіz. Qazіr kelіssózder óte qarqyndy júrіp jatyr», – dedі ol.

Kanadalyq ónіmder AQSh ımportynyń 17,4 paıyzyn quraıdy. Sondyqtan da bul kelіsіm ekі el ekonomıkasy úshіn de mańyzdy bolyp otyr.