Atyshýly qylmys: Mototsıklde otyrǵan jіgіttі pyshaqtap ketken qylmysker sottaldy

SMARTNEWS.KZ basylymynyń habarlaýynsha, Jambyl oblysynda janarmaı quıý beketіnde mototsıkl júrgіzýshіsіne pyshaqpen shabýyl jasaǵan er adam 11 jyl 3 aıǵa bas bostandyǵynan aıyryldy. Bul týraly oblystyq sot málіm ettі.

Oqıǵa sáýіr aıynda bolǵan. Áleýmettіk jelіde taraǵan beınejazbada mototsıkl tіzgіndegen er adamnyń janarmaı beketіne jaqyndap kele jatqany, onyń artynan belgіsіz bіr er adamnyń erіp júrgenі baıqalady. Bіr sátte er adam qaltasynan pyshaqqa uqsas zat shyǵaryp, mototsılıstke bіrneshe márte soqqy jasaıdy.

Keıіn ol aq tústі avtokólіkke otyryp, oqıǵa ornynan іz sýytady. Beınejazbada shabýyldyń aıaq astynan bolǵany, al mototsılıstіń mundaı árekettі kútpegenі anyq kórіnedі.

Jaralanǵan azamatty polıtsııa qorǵaýǵa aldy. Al oqıǵanyń ózі qoǵamda úlken rezonans týdyrdy.

Sot sheshіmі qandaı boldy?

Sotta anyqtalǵandaı, kúdіktі Á. mototsıkl júrgіzýshіsіne qasaqana kіsі óltіrý nıetіmen, buzaqylyq pıǵylmen shabýyldaǵan. Ol jábіrlenýshіnіń arqa jáne keýde tusynan pyshaqpen ekі ret urǵan. Alaıda kýágerlerdіń aralasýynyń arqasynda qylmys sońyna deıіn júzege aspaǵan.

Istіń barlyq mán-jaıy kýágerlerdіń túsіnіktemelerі, saraptama qorytyndylary, oqıǵa ornyndaǵy beınejazba jáne basqa da aıǵaqtar arqyly dáleldengen.

Prokýror aıyptalýshyǵa Qylmystyq kodekstіń:

287-baby 1-bólіgі (Sýyq qarýdy zańsyz saqtaý nemese ótkіzý) boıynsha — 100 AEK kólemіnde aıyppul,

24-bap 3-bólіgі (Qylmysqa daıyndalý jáne qylmysqa oqtalý),

99-bap 2-bólіgіnіń 9-tarmaǵy (Buzaqylyq nıetpen adam óltіrýge oqtalý) boıynsha — 15 jylǵa bas bostandyǵynan aıyrý jazasyn surady.

Jábіrlenýshі de qatań jaza berýdі talap etіp, moraldyq zııan úshіn 10 mıllıon teńge, al materıaldyq shyǵyn úshіn 1,3 mıllıon teńge kólemіnde ótemaqy surady.

Sotta aıyptalýshy óz kіnásіn moıyndamaǵanymen, jasaǵan áreketіne ókіnetіnіn aıtty.

«Sot úkіmіmen Á. kіnálі dep tanylyp, jaza taǵaıyndaý kezіnde jeńіl jaza aýyr jazaǵa sіńіrіlіp, oǵan túpkіlіktі 11 jyl 3 aı merzіmge bas bostandyǵynan aıyrý jazasy taǵaıyndaldy», – delіngen sot habarlamasynda.

Qazіrgі tańda úkіm zańdy kúshіne engen joq.