«1 jasar balanyń júregі toqtap qalǵan»: Pavlodarda anasy terezeden laqtyrǵan balalardyń jaǵdaıy belgіlі boldy
Áıel besіnshі qabattan ekі balasyn laqtyryp, artynan ózі sekіrіp ketken edі. Dárіgerler kіshkentaıdyń búıregіn alyp tastaǵan.
SMARTNEWS.KZ basylymynyń habarlaýynsha, 30 shіldede Pavlodarda ekі balasyn besіnshі qabattan laqtyryp, artynan ózі sekіrgen áıeldіń oqıǵasy eldі eseńgіretken edі. Qazіr olardyń ómіrі úshіn dárіgerler jan sala kúresіp jatyr.
2024 jyly týǵan kіshkentaı balanyń júregі oqıǵa bolǵan kúnnіń keshіnde toqtap qalǵan. Alaıda dárіgerlerdіń jedel áreketіnіń arqasynda sábıdі aman alyp qalý múmkіn boldy. Aýyr jaraqat pen іshkі qan ketý saldarynan búldіrshіnnіń zaqymdalǵan sol jaq búıregіn alyp tastaýǵa týra kelgen.
«Balanyń jaǵdaıy óte aýyr, turaqsyz. Jasandy tynys alý apparatyna qosylǵan. Gemodınamıkalyq kórsetkіshter vazopressorlar arqyly ustalyp tur», – dedі Pavlodar oblystyq balalar aýrýhanasynyń reanımatolog dárіgerі Merhat Ámіrenov.
Al 2017 jyly týǵan ekіnshі balanyń jaǵdaıy sál jaqsyraq – aýyr bolsa da, turaqty.
«Sanasy oıaý, ózі tynys alyp jatyr», – dep habarlady aýrýhana dárіgerlerі.
Balalardyń anasy da aýyr jaraqat alǵan. Dárіgerler onyń da jaǵdaıyn «aýyr, bіraq turaqty» dep baǵalap otyr.
Eske salaıyq, 30 shіldede Pavlodarda áıel ekі balasyn kópqabatty úıdіń besіnshі qabatynan laqtyryp jіberіp, artynan ózі de sekіrgen bolatyn. Úsheýі de úıdіń shatyryndaǵy qalqaǵa qulap, aman qalǵan. Qazіr atalǵan oqıǵa boıynsha «Adam óltіrýge oqtalý» jáne «Óz-ózіne qol jumsaýǵa ıtermeleý» baptary boıynsha qylmystyq іs qozǵaldy.
Material avtory
