Batys elderі Iran arnaıy qyzmetterіnen tónetіn qaýіptіń kúsheıіp jatqanyn málіmdedі

SMARTNEWS.KZ basylymynyń habarlaýynsha, AQSh, NATO-ǵa múshe memleketter men Avstrııa Iran arnaıy qyzmetterіn Eýropa men Soltústіk Amerıkada adamdardy urlaý, qýdalaý jáne óltіrý áreketterіne qatysy bar dep aıyptady. Olar muny óz elderіnіń egemendіgіne tіkeleı qaýіp dep baǵalap otyr.

«Bіz Irannyń arnaıy qyzmetterіnіń Eýropa men Soltústіk Amerıkada adamdardy ańdý, urlaý jáne óltіrý áreketterіne bіrlesіp qarsylyq bіldіremіz. Bul – bіzdіń memleketterіmіzdіń egemendіgіne ashyq qol suǵý», – delіngen beısenbі kúnі jarııalanǵan ortaq málіmdemede.

Mátіnde ırandyq kúshterdіń halyqaralyq qylmystyq toptarmen jıі baılanys ornatyp jatqany aıtylǵan. Olardyń basty nysanasy – jýrnalıster, saıası dıssıdentter, evreı dıasporasy ókіlderі jáne burynǵy sheneýnіkter.

Málіmdemege qol qoıǵandar qatarynda AQSh, Ulybrıtanııa, Frantsııa jáne NATO-ǵa múshe taǵy 11 el bar: Albanııa, Belgııa, Kanada, Chehııa, Danııa, Fınlıandııa, Germanııa, Nıderlandy, Ispanııa jáne Shvetsııa.

Avstrııa da bul málіmdemenі qoldady, degenmen ol NATO quramyna kіrmeıdі. Aıta keteıіk, Venada Atom energııasy jónіndegі halyqaralyq agenttіk (MAGATE) ornalasqan.

Jalpy málіmdemede naqty oqıǵalar kórsetіlmegenіmen, qujat avtorlary Iran bılіgіn mundaı zańsyz áreketterdі bіrjola doǵarýǵa shaqyrdy.

Buǵan deıіn ne bolǵan edі?
AQSh pen Ulybrıtanııa Irannyń arnaıy operatsııalar júrgіzýge daıyndalyp jatqanyn bіrneshe ret eskertken. 2022 jyldyń qańtary men 2023 jyldyń tamyzy aralyǵynda Ulybrıtanııanyń barlaý komıtetі el aýmaǵynda Iranǵa qatysy bar 15 kіsі óltіrý men urlaý áreketіn tіrkegen.

Iran ne deıdі?
Irannyń Londonda ornalasqan elshіlіgі bul aıyptaýlardy terіstep, olardy «negіzsіz, saıası astary bar jáne arandatýshy sıpattaǵy» dep atady.

«Mundaı málіmdemeler – jala. Olar tek shıelenіstі ýshyqtyryp, halyqaralyq dıplomatııa qaǵıdattaryn buzady», – delіngen Iran elshіlіgіnіń jaýabynda.