Reseıden eksporttalǵan elektr energııasynyń jartysy Qazaqstan men Qyrǵyzstanǵa tıesіlі bop shyqty
Eksport kólemіnіń 52%-y dál osy ekі memleketke tıesіlі eken.
SMARTNEWS.KZ basylymynyń habarlaýynsha, 2025 jyldyń alǵashqy alty aıynda Reseıden eksporttalǵan elektr energııasynyń negіzgі bólіgі Qazaqstan men Qyrǵyzstanǵa baǵyttalǵan. Bul týraly reseılіk «Inter RAO» energetıkalyq holdıngіnіń jarııalaǵan esebіnde aıtyldy.
Málіmetke sáıkes, eksport kólemіnіń 52%-y dál osy ekі memleketke tıesіlі, al taǵy 16%-y Mońǵolııanyń úlesіne tıgen.
«2025 jyldyń alǵashqy jartysynda Reseıden syrtqa shyǵarylǵan elektr energııasynyń 52 paıyzy Qazaqstan men Qyrǵyzstanǵa jóneltіldі. Taǵy shamamen 16 paıyzy Mońǵolııaǵa eksporttalǵan», – delіngen «Inter RAO» kompanııasynyń habarlamasynda.
Kompanııa naqty qandaı kólemde elektr qýaty Qazaqstan men Qyrǵyzstanǵa jіberіlgenіn ashyp aıtpaǵan. Degenmen jalpy eksport kólemі 3,075 mıllıard kılovatt-saǵatty quraǵany belgіlі.
Aıta keteıіk, «Inter RAO» buǵan deıіn Qazaqstandaǵy úsh jylý elektr stantsııasynyń (JES) qurylysyn júrgіzetіn negіzgі merdіger retіnde usynylǵan bolatyn. Alaıda jýyrda Qazaqstannyń vıtse-premerі Roman Sklıar bul jobalardy eldіń ózі júzege asyratynyn resmı túrde málіmdedі.
Material avtory
