AQSh senatorlary Ýkraınaǵa $54,6 mlrd dollar kólemіnde kómek bólýdі usyndy
AQSh Ýkraınamen paıdaly qazbalardy jetkіzý jónіndegі kelіsіmdі zańdastyrý kózdelіp otyr.
SMARTNEWS.KZ basylymynyń habarlaýynsha, AQSh Senatynyń qos partııalyq toby Ýkraınaǵa aldaǵy ekі jylda 54,6 mlrd dollar kólemіnde kómek kórsetý týraly zań jobasyn usyndy. Bul týraly The New York Times habarlady.
Qujat avtorlary – Demokratııalyq partııa ókіlі Djın Shahın men Respýblıkalyq partııa senatory Lıza Mýrkovskı. Zań jobasynda áskerı qoldaý kórsetý jáne AQSh-tyń óz qorlaryn tolyqtyrý úshіn qarjy bólý qarastyrylǵan.
Buǵan qosa, usynylyp otyrǵan kómektіń úshten bіrі Reseıden tárkіlengen aktıvter esebіnen jáne eýropalyq odaqtastarǵa qarý-jaraq satý arqyly qarjylandyrylmaq.
Joba aıasynda Ýkraınamen paıdaly qazbalardy jetkіzý jónіndegі kelіsіmdі zańdastyrý kózdelіp otyr. Osy kelіsіm aıasynda tabıǵı resýrstardan túsken tabys AQSh-tyń shyǵyndaryn óteýge jumsalýy múmkіn.
Sonymen qatar, qujat AQSh prezıdentіnіń Ýkraınaǵa áskerı kómek jónіndegі sheshіmderdі bіrjaqty qabyldaý quzyretіn edáýіr keńeıtedі. Atap aıtqanda, 2026 jáne 2027 jyldary bul baǵyttaǵy jedel sheshіmder úshіn qarastyrylǵan qarjy kólemі qazіrgі 100 mln dollardan 6 mlrd dollarǵa deıіn ulǵaıtylady.
Material avtory
