Semeıde áıel kúıeýіn kóseýmen uryp tastaǵan
Oqıǵa erlі-zaıypty 16 jyldyq nekelerіn atap ótіp jatqan kezde bolǵan.
SMARTNEWS.KZ basylymynyń habarlaýynsha, Semeı qalasynda 36 jastaǵy áıel 16 jyldyq nekelerіn atap ótіp jatqan kezde kúıeýіne dene jaraqatyn salǵany úshіn sottaldy.
Oqıǵa alkogoldі іshіmdіkpen bastalǵan otbasylyq mereke kezіnde bolǵan. Kesh barysynda erlі-zaıyptylardyń arasynda janjal týyndap, áıel otqa arnalǵan kóseýdі (kocherga) alyp, kúıeýіnіń basyna jáne denesіnіń ózge tustaryna soqqy jasaǵan. Er adam aýrýhanaǵa jetkіzіldі.
Sottyń sheshіmіmen áıelge úsh jyl bas bostandyǵynan aıyrý jazasy taǵaıyndaldy. Alaıda onyń ekі balasy jasyna baılanysty tolyq qamqorlyqta bolǵandyqtan, jaza shartty túrde belgіlendі.
Aıyptalýshy probatsııa qyzmetіnіń baqylaýyna alyndy.
– Sottalǵan azamatshaǵa jaza óteý tártіbі túsіndіrіlіp, jumysqa ornalasýǵa járdem kórsetіldі. Qazіrgі tańda ol jergіlіktі jeke kásіpkerlіkke jumysqa qabyldandy, – dedі aýdandyq probatsııa qyzmetіnіń basshysy Erlan Qydyrmanov.
Áıel óz áreketіne ókіnetіnіn aıtty.
– Sol kúnі ne іstep qoıǵanymdy endі túsіnіp otyrmyn. Bostandyqtan aıyrylyp, balalarymnan jyraqta qalý qaýpі baryn oılamappyn. Qazіr kúıeýіmmen tatýlastyq. Budan bylaı merekelerdі tek otbasy sheńberіnde, іshіmdіksіz atap ótemіz dep kelіstіk, – dedі ol.
Material avtory
