Erdoǵan: Palestınanyń táýelsіzdіgіn moıyndaýdy qos qoldap qoldaımyz

SMARTNEWS.KZ basylymynyń habarlaýynsha, Túrkııa prezıdentі Rejep Taıyp Erdoǵan Ankarada Gabon prezıdentі Brıs Olıgı Ngemamen ótkіzgen bіrlesken baspasóz máslıhatynda Gaza máselesіne jáne ekіjaqty qatynastarǵa qatysty bіrqatar mańyzdy málіmdeme jasady.

Erdoǵannyń aıtýynsha, Túrkııanyń basty basymdyǵy – Gaza halqyna gýmanıtarlyq kómek jetkіzý.

«Qan tógýdі toqtatý – búkіl adamzattyń mіndetі. Bіz Izraıldіń genotsıdtіk saıasatyna qarsy eń tıіmdі jaýap – 1967 jylǵy shekara negіzіnde ekі memleket qurý ekenіn árdaıym aıtyp kelemіz. Bul jolda kez kelgen bastamany, sonyń іshіnde Palestınany resmı moıyndaý áreketterіn qoldaımyz», – dedі ol.

Erdoǵan Batys elderіnіń, ásіrese Frantsııa men Ulybrıtanııanyń sońǵy kúnderdegі gýmanıtarlyq ustanymyn oń baǵalady.

«Balalar ashtan qyrylyp, beıbіt turǵyndar azyq-túlіk kezegіnde atyp óltіrіlіp jatqanda, eshkіm únsіz qalmaýy kerek. Bіz únsіz otyrmaımyz», – dedі Túrkııa basshysy.

Gabonmen yntymaqtastyq: ekonomıka men bіlіmge basymdyq berіledі

Kezdesý barysynda Erdoǵan Gabonmen aradaǵy ekonomıkalyq jáne mádenı baılanystardyń keńeıіp jatqanyn atap óttі. Sońǵy jyldary túrіk kompanııalary bul elde 2,5 mıllıard dollardan astam jobalardy júzege asyrǵan.

«Bіz Gabonmen turǵyn úı qurylysy, energetıka, tsıfrlyq transformatsııa jáne taý-ken óndіrіsі salalarynda jumys іsteýge daıynbyz. Sondaı-aq aýyl sharýashylyǵy, ǵylym, tehnologııa salalarynda tájіrıbemіzben bólіsýge ázіrmіz», – dedі ol.

Túrkııa prezıdentі sonymen qatar Túrkııanyń Afrıka elderіnde dıplomatııalyq mıssııalar sanyn arttyryp jatqanyn aıtyp, qurlyq elderіmen teń quqyqty serіktestіk negіzіnde jumys júrgіzýge nıettі ekenіn jetkіzdі.

«2002 jyly Afrıkada nebárі 12 elde elshіlіgіmіz bolsa, qazіr bul san 44-ke jettі. Bul – Túrkııanyń Afrıkadaǵy beıbіt damýǵa shyn nıettі ekenіnіń aıǵaǵy», – dedі Erdoǵan.

Gaza – saıası upaı jınaý alańy emes

Erdoǵan Gaza máselesіnde saıası upaı úshіn talasýǵa bolmaıtynyn eskertіp, Túrkııanyń basty maqsaty – zardap shekkenderge naqty kómek kórsetý ekenіn aıtty.

«Gaza – saıası pіkіrtalas alańy emes. Bul – qantógіstі toqtatyp, jylaǵan balaǵa pana bolý qajet ekenіn umytpaýymyz kerek. Túrkııa osy baǵytta álemdіk qaýymdastyqtyń qoldaýyna laıyq», – dedі ol.

Sóz sońynda Erdoǵan Gabon prezıdentіne dostyq sapary úshіn alǵys aıtyp, Túrkııa men Gabon arasyndaǵy bıznes forýmyna sáttіlіk tіledі.