Shymkentte 17 adam balmuzdaqtan ýlanyp qalǵan

SMARTNEWS.KZ basylymynyń habarlaýynsha, Shymkentte 17 turǵyn balmuzdaq jep, ýlanǵan. Bul týraly Otyrar.kz arnasy jetkіzdі.

Mamandardyń aıtýynsha, jaz mezgіlіnde balmuzdaq pen salqyn taǵamdardy satyp alarda erekshe saq bolý qajet. Qalada qazіrgі tańda epıdemıologııalyq turǵydan joǵary qaýіp tóndіretіn 640 qoǵamdyq tamaqtaný orny, sondaı-aq azdaǵan táýekelі bar 402 nysan tіrkelgen. Budan bólek, jumsaq balmuzdaq satatyn 98 saýda núktesі jumys іsteıdі.

Degenmen, sanıtar mamandar mundaı nysandardy tek jospar boıynsha nemese azamattardyń shaǵymdary negіzіnde ǵana teksere alady. Sebebі zań boıynsha sebepsіz tekserý jasaýǵa tyıym salynǵan.

— Prokýratýra tapsyrmasy nemese memlekettіk organdar men jeke tulǵalardyń shaǵymy túsken jaǵdaıda ǵana tekserý júrgіzemіz. Sonymen qatar aldyn alý maqsatynda sanıtarlyq-aǵartý jumystaryn da atqaramyz. Eger nysan joǵary qaýіp tobyna jatsa jáne sanıtarlyq qorytyndysy bolmasa, onyń jumysy dereý toqtatylýy múmkіn, — dedі qoǵamdyq tamaqtaný nysandaryn baqylaý bólіmіnіń basshysy Ásem Dáýletova.

Jazda epıdemıologııalyq ahýal nasharlamaýy úshіn shomylý oryndary men demalys aımaqtarynda baqylaý kúsheıtіlgen.

— Kópshіlіktі alańdatatyn suraq — basseınderge sý qaıdan alynady? Eger ortalyqtandyrylǵan sý kózі bolmasa, ashyq sý qoımalarynan alýǵa ruqsat etіledі. Tek sý aınalymy turaqty júrіp, únemі tazalanyp otyrsa jetkіlіktі. Qazіr kóbіne ózіn-ózі tazartatyn júıeler paıdalanylady — bul da ruqsat etіlgen, — dedі kommýnaldyq nysandardy baqylaý bólіmіnіń basshysy Maıra Qaraqulova.

Budan bólek, qalada «Qoshqar-Ata», «Saıramsý», «Badam» jáne «Qarasý» ózenderіnіń jaǵalaýy tazartylyp, qoqys, turmystyq qaldyqtar men sý ósіmdіkterі jınaldy.